الماتى وبلىسىندا كاسىپكەر جاڭا بالاباقشا اشتى

استانا. قازاقپارات - الماتى وبلىسى جامبىل اۋدانىنىڭ ورتالىعى ۇزىناعاش اۋىلىندا جاڭا جەكەمەنشىك بالاباقشا سالتاناتتى تۇردە اشىلدى.

جەكە كاسىپكەر مارجان تۇرلاشيەۆانىڭ قولعا الۋىمەن بوي كوتەرگەن ەكى قاباتتى بالاباقشا عيماراتى 75 بالاعا ارنالىپ سالىنعان.

بۇل تۋرالى وبلىس اكىمدىگىنىڭ باسپا ءسوز قىزمەتىنەن حابارلادى.

مۇندا سابيلەردىڭ ەمىن-ەركىن تىنىستاپ، ءوسىپ جەتىلۋى ءۇشىن زاماناۋي جاڭا جيھازدار مەن ءتۇرلى ويىنشىقتار اكەلىنگەن. بۇگىنگى تاڭدا بالاباقشا 1 جاستان جوعارى سابيلەردى قابىلداۋدا.

جامبىل اۋداندىق ءبىلىم ءبولىمىنىڭ باسشىسى ءلايلياش باكىروۆانىڭ ايتۋىنشا، بۇل اۋدان بويىنشا وسىمەن 30- بالاباقشا بولىپ سانالادى.

ال «بالاپان» باعدارلاماسى اياسىندا ولاردىڭ سانى 14 تى قۇرايدى.