يەمەنگە قىزىل كرەست گۋمانيتارلىق كومەگىن جەتكىزدى

استانا. قازاقپارات - حالىقارالىق قىزىل كرەست كوميتەتىنىڭ گۋمانيتارلىق كومەگىن اكەلگەن ۇشاق بۇگىن يەمەن اۋەجايىنا كەلىپ قوندى.

جارگىلىكتى ۋاقىتپەن ساعات 8:45 تە كەلىپ قونعان ۇشاق بورتىندا 32 توننانىڭ گۋمانيتارلىق كومەگى بار.

بۇل تۋرالى khabar.kz جازادى.

ونىڭ ىشىندە ءدارى- دارمەكتەر، سۋ تازارتۋ قۇرال-جابدىعى، ەلەكتروگەنەراتور جانە شاتىرلار دا تابىلادى.

قىزىل كرەست كوميتەتىنىڭ وكىلى كلەر كاپلۋننىڭ ايتۋىنشا، بۇل گۋمانيتارلىق كومەك 3 مىڭ ادامعا تولىعىمەن جەتەدى. ال ودان ءبىر كۇن بۇر قىزىل كرەست تاراپىنان 16 توننانىڭ گۋمانيتارلىق ماقساتتاعى جۇكتەر مەن ءدارى-دارمەكتەر اكەلىنگەن بولاتىن.

قازىرگى كۇندە اتالمىش كوميتەتتىڭ 5 حيرۋرگى ءوز قىزمەتتەرىن باستاپ كەتكەن. سونداي-اق بالالاردىڭ حالىقارالىق يۋنيسەف قورىنىڭ كومەگى دە كەلىپ جەتتى.