اكتەر ءارى پروديۋسەر رەتىندە دە تانىمال اتاقتى ءانشى ۇلدى بولدى

استانا. قازاقپارات - امەريكالىق ءانشى دجاستين تيمبەرلەيك ۇلدى بولدى.

بۇل تۋرالى People جۋرنالىنا سىلتەمەمەن 24.kz جازادى.

دجاستين تيمبەرلەيك پەن ونىڭ جارى دجەسسيكا بيل سابيلەرىنىڭ ەسىمىن سايلاس رەندالل دەپ قويىپتى. دارىگەرلەردىڭ ايتۋىنشا، 33 جاستاعى دجەسسيكا بيل مەن ءسابيدىڭ جاعدايى جاقسى.

ايتا كەتەيىك، تيمبەرلەيك 34 جاسقا كەلگەن تۋعان كۇنىندە اكە اتاناتىندىعىن ايتقان ەدى. دجاستين تيمبەرلەيك ءانشى عانا ەمەس، اكتەر ءارى پروديۋسەر رەتىندە دە اسا تانىمال.

ءوزىنىڭ ەڭبەك جولىن ول 1995 -جىلى 'N Sync توبىنان باستاعان. 2002 -جىلى Justified اتتى العاشقى جەكە البومىن شىعاردى. تيمبەرلەيك ءتورت رەت «ەممي» جانە توعىز رەت «گرەممي» سىيلىعىنىڭ يەگەرى اتانعان.