باراك وباما مەن راۋل كاسترو قول الىستى

استانا. قازاقپارات - پانامادا اشىلعان امەريكالار سامميتى كەزىندە ا ق ش پرەزيدەنتى باراك وباما مەن كۋبا كوشباسشىسى راۋل كاسترو ءبىر- ءبىرىن جىلى شىرايمەن قارسى الىپ، قول الىسىپ ۇلگەردى.

قازىر امەريكالىق ب ا ق قارىم- قاتىناسى ءجىبىپ، دوستىعى ارتا تۇسكەن قوس ەل باسشىلارىنىڭ تاريحي كەزدەسۋىن تاعاتسىزدانا كۇتىپ وتىر.

پاناما سامميتى بارىسىندا باراك وباما مەن راۋل كاسترو ەكى ەل تاريحىندا ارادا 50  جىلدان كەيىنگى تۇڭعىش كەزدەسۋ وتكىزبەك. القالى جيىننىڭ العاشقى كۇنىندە مەملەكەت باسشىلارى جىلى جۇزدەسىپ، قاتتى قول قىسىستى. سۋرەتتە وباما مەن كاسترونىڭ قاسىنان ب ۇ ۇ باس حاتشىسى پان گي مۋن تابىلعان. وسى ءسات بەينەلەنگەن فوتوسۋرەت امەريكالىق اقپارات قۇرالدارىن شارلاپ كەتتى.

ەستەرىڭىزگە سالساق، پاناما استاناسىنا قوس امەريكا قۇرلىعىنان 35 مەملەكەت باسشىسى جينالدى. سامميتكە كۋبا جەتەكشىسى تۇڭعىش رەت قاتىسىپ وتىر.

www.24.kz