قىزدىڭ جاسىنا بايلانىستى تۋعان اڭىزدار

استانا. قازاقپارات - اسىرەسە قازاق قىزدارى جاسى ۇلكەيگەن سايىن ءوزىن كوپ نارسەدەن تەجەيدى. «ۇيات بولادىنىڭ» ىقپالىمەن قىزدار ءوز ومىرىنە جاڭالىق ەنگىزۋگە اسىقپايدى.

 سانمەن كيىنۋ. قىز بالا جاسى ۇلعايعان سايىن سانمەن كيىنۋدى ءجون كورمەيدى. ۇستىنە كيەتىنى -  قاتاڭ كويلەك. ەگەر تۇرمىس قۇرعان بولسا، وزىنە مۇلدە كوڭىل بولمەي كەتەدى. ءبىراق ءساندى، اشىق كيىمدەر تەك جاس قىزدارعا ارنالماعان. بەتىڭىزدە پايدا بولعان ءاجىم ءىزى مەن ءمۇسىنىڭىزدىڭ سايكەس كەلمەۋى كۇڭگىرت كيىم كيۋىڭىزدىڭ سەبەبى بولا المايدى. وزگەرىڭىز! كيىم الاردا اشىق، ءساندى، قىمباتتىن الۋدان باس تارتپاڭىز!

 جەكە ءومىر. قىز جاسى ۇلعايعان سايىن تالعامپاز بولىپ كەتەدى. جىلدار بويى جيناعان تاجىريبەسى ۇمىتكەرلەردى بىرىنەن سوڭ ءبىرىن سىزىپ تاستايدى. ءبىراق ءومىر ءوتىپ جاتىر. ءوزىڭىزدى جالعىز ءجۇرىپ- اق قامتاماسىز ەتە الساڭىز دا، جەكە ومىرىڭىزگە جاڭالىق ەنگىزۋگە اسىعىڭىز! مۇمكىندىك بەرىڭىز! ال ەگەر تۇرمىس قۇرىپ قويعان بولساڭىز نەمەسە جىگىتىڭىز بولسا، وندا ءوزىڭىز تاڭداعان ادامعا كوڭىل ءبولىپ، وعان قايتا عاشىق بولىڭىز.

 بالانى دۇنيەگە اكەلۋ قيىن. كوپ جاعداي بۇل جەردە جاسىڭىزدان گورى دەنساۋلىعىڭىزعا بايلانىستى. جاس مولشەرى ادامعا تاجىريبە، دانالىق بەرۋمەن قاتار، دەنساۋلىققا بەي- جاي قاراماۋدى ۇيرەتەدى.

 جاڭا نارسەنى ۇيرەنۋدەن باس تارتۋ. قىز بالاعا كارىلىك ءوزىن دامىتۋدان باس تارتقان كەزىندە كەلەدى. قانشا جاستا بولساڭىز دا، قىزىعۋشىلىق، كوزىڭىزدە جانىپ تۇرعان وت، جاڭا اسەر الۋعا ۇمتىلۋ ءسىزدى جاسارتادى. ادامنىڭ كوڭىلى -  ماڭگى جاس. كۋرستارعا قاتىسىپ، جاڭا نارسە ۇيرەنۋگە ۇمتىلىڭىز. بۇل سىزگە جاڭا دوستار سىيلايدى.

 ارمان ەندى ورىندالمايدى. بىزدە "30 جاسقا دەيىن جەتىستىككە جەتىپ ۇلگەرمەگەن ادام ءومىر- بويى سول كۇيىندە قالادى" دەگەن تۇسىنىك بار. بۇل -  وتە قاتە تۇجىرىم. ارمانداۋدى، ارمانعا سەنۋدى ەشقاشان توقتاتپاۋ كەرەك. الەمدە ءوز ارمانىنا ءتىپتى 40 جاستان كەيىن جەتكەن تانىمال تۇلعالار بار.

 

قىزدارعا قۇلاققاعىس: مۇندايدان ارى بولىڭىز!

massaget.kz