تۇركىستاندىق سوتتا اتاسى مەن اكەسىنىڭ قازاق ەكەنىن دالەلدەپ شىقتى

استانا. قازاقپارات - تۇركىستان قالالىق سوتىندا «تۇركىستان قالاسىنىڭ ادىلەت باسقارماسى» مەملەكەتتىك مەكەمەسىنىڭ تۋۋ تۋرالى اكتىلىك جازباداعى جاڭساقتىقتىعىن انىقتاۋ تۋرالى قالا تۇرعىنىنىڭ ارىزى بويىنشا قوزعالعان ازاماتتىق ءىس قارالدى،

 دەپ حابارلادى وڭتۇستىك قازاقستان وبلىستىق سوتىنىڭ باسپا ءسوز قىزمەتىنەن.

 «بۇل ازاماتتىق ءىس بويىنشا ارىزدانۋشى س. اتاسىنىڭ تۇركىستان قالالىق ادىلەت باسقارماسىندا (ا ح ا ج كىتابىندا 11.11.1988 -جىلى جاسالعان №11 تۋۋ تۋرالى اكتىلىك جازبا) اتاسىنىڭ ۇلتى «وزبەك» دەپ جاڭساق جازىلعانى، دۇرىسى «قازاق» ەكەندىگى تۋرالى جانە ارىزدانۋشىنىڭ ءوزىنىڭ 11.11.1988 - جىلى №11 سانمەن جاسالعان تۋۋ تۋرالى اكتىلىك جازباسىندا اكەسىنىڭ ۇلتى «وزبەك» دەپ جاڭساق جازىلعانى، دۇرىسى «قازاق» ەكەندىگى تۋرالى فاكتىسى انىقتالىپ، ارىز قاناعاتتاندىرىلدى» ، دەلىنگەن حابارلامادا.

 سوت شەشىمى زاڭدى كۇشىنە ەنگەن جوق.