تۇرىك پرەمەرى جەڭىسكە جەتە الماسا، قىزمەتىنەن كەتۋگە ءازىر
تۇرىك ەلىنىڭ ۇكىمەت جەتەكشىسى ەگەر وسى سايلاۋدا پارتياسى جەڭىسكە جەتە الماسا، ورىنتاعىنان ءوز ەركىمەن كەتۋگە ءازىر ەكەندىگىن مالىمدەدى.
«ءبىز جوسپارىمىزدى ءدۇيىم جۇرتقا جەتكىزۋدەمىز. ويتكەنى ءاربىر وتانداسىمىزدىڭ جۇرەك تورىنەن ورىن الۋ ماڭىزدى. ەشكىمدى بولەكتەمەي، بارلىعىن باۋىرىمىزعا باسقىمىز كەلەدى. ەگەر سايلاۋدا جەڭە الماساق، قىزمەتىمدى باسقا ارىپتەسىمە ۇسىنۋعا ءازىرمىن» - دەدى، احمەت ءداۋىتوعلى.
سونداي- اق ول ءبىر توپ تىلشىلەردەن وزگە ساياسي پارتيالاردىڭ كوشباسشىلارى ءوزى سەكىلدى قىزمەتىن باسكە قويىپ، تاۋەكەلگە بارۋعا قانشالىقتى ءازىر ەكەندىگىن سۇرادى. البەتتە بۇل ساۋال تىلشىلەرگە ەمەس ساياسي باسەكەلەستەرىنە باعىتتالىپ ايتىلعاندىعى بەلگىلى بولاتىن. تۇركيادا پارلامەنت سايلاۋى 4 جىلدا ءبىر وتەدى. ەڭ سوڭعى سايلاۋ 2011 - جىلى 12 - ماۋسىمدا بولعان. ول كەزدە ادىلەت جانە دامۋ پارتياسى حالىقتىڭ 49,83 پايىز داۋىسىن جيناپ، جەڭىسكە جەتتى.
