22:08, 10 - ءساۋىر 2015 | GMT +5
نايزاعاي ۇشاقتىڭ تۇمسىعىن تەسىپ وتكەن
استانا. قازاقپارات - يسلانديادان ا ق ش- قا بەت العان جولاۋشىلار ۇشاقتىڭ نايزاعاي تەسىپ ءوتتى، دەپ حابارلايدى « الاش ايناسى» پورتالى Denver Post گازەتىنە سىلتەمە جاساپ. اتالعان وقيعا وسى اپتادا سەيسەنبى كۇنى بولعان.
Icelandair كومپانياسىنىڭ Boeing 757 ۇشاعى رەكياۆيك اۋەجايىنان كوتەرىلگەندە، كۇن كۇركىرەپ تۇرعان. ال اسپانعا جاقىنداي بەرگەن كەزدە نايزاعاي سوعىپ، ۇشاق كورپۋسىنا ءتيدى. دەگەنمەن، تەحنيكالىق اقاۋلىقتار بولعان جوق. سول سەبەپتى پيلوتتار كەرى قايتپاۋعا شەشىم قابىلدادى. ولار ۇشاق تۇمسىعىنىڭ تەسىلىپ قالعانىن دەنۆەر اۋەجايىنا قونعان كەزدە عانا كورگەن.
كومپانيا وكىلدەرىنىڭ ايتۋىنشا، اۋە لاينەرلەرىنە نايزاعايدىڭ تيۋ وقيعالارى ءجيى بولىپ جاتادى. تەحنيكالىق جاعىنىن ونىڭ بارلىعى ەسكەرىلگەن. "دەگەنمەن، تەحنيكالىق جاعىنان نايزاعايدىڭ سوققىسى ەسكەرىلسە دە، ۇشاق كورپۋسىن تەسىپ وتەتىن جاعدايلار سيرەك كەزەدەسەدى"، - دەيدى ساراپشىلار.
