جاستار فورۋمى قاتىسۋشىلارىنىڭ قازاقستان جاستارىنا ۇندەۋى
ءبىز، فورۋمعا قاتىسۋشىلار، ەڭ ءىرى جاستار ۇيىمدارىنىڭ ليدەرلەرى، 1,5 ميلليوننان استام جاس قازاقستاندىقتاردىڭ مۇددەسىن بىلدىرە وتىرىپ، ەلىمىزدىڭ بارشا جاستارىنا ۇندەۋ جولدايمىز.
ءبىز، تاۋەلسىزدىك بۋىنى، جاس دارىگەرلەر مەن پەداگوگتار، ستۋدەنتتەر مەن عالىمدار، جۇمىسشى جانە اۋىل جاستارى، بيزنەس پەن ازاماتتىق سەكتور وكىلدەرى، ەلباسىمىز نۇرسۇلتان ءابىش ۇلى نازاربايەۆتى ءبىراۋىزدان قولداۋ ءۇشىن جينالىپ وتىرمىز!
ءبىزدى وتانىمىزدىڭ بولاشاعىنا دەگەن جاۋاپكەرشىلىك، ەلىمىزدى بۇدان دا قۋاتتى مەملەكەتكە اينالدىرۋ نيەتى بىرىكتىرەدى. قازاقستاندى 2050 - جىلعا مەجەلەنگەن ماقساتتارعا جەتكىزۋدىڭ تاريحي مۇمكىندىگى بىزگە بۇيىرىپ تۇر.
بۇگىندە ەلباسى ساياساتىنىڭ ارقاسىندا ءبىزدىڭ دامۋىمىز ءۇشىن بارلىق جاعداي جاسالعان. بەيبىتشىلىك، بىرلىك، كەلىسىم جانە اعا بۋىننىڭ قاجىرلى ەڭبەگى ەلىمىزدىڭ الەمنىڭ ۇزدىك 50 مەملەكەتىنىڭ قاتارىنا ەنۋىن قامتاماسىز ەتتى.
ءبىز ءوز جەتىستىكتەرىمىزدى ماقتان تۇتامىز! ءبىز بولاشاققا سەنىممەن قارايمىز! بۇگىنگى كۇننىڭ وزىندە ءبىز بىرىككەن ۇلتتار ۇيىمى جاساعان جاستاردىڭ ءال- اۋقاتى جانە دامۋى يندەكسى بويىنشا الەمنىڭ وتىز ۇزدىك ەلىنىڭ قاتارىنا ەنىپ وتىرمىز!
«قازاقستان-2050» ستراتەگياسى، «نۇرلى جول» باعدارلاماسى، ەلباسىمىزدىڭ 5 ينستيتۋتسيونالدىق رەفورماسى ءبىز ءۇشىن كاسىبي جانە زياتكەرلىك دامۋ، ءوزىمىزدى تانىتۋ جانە شىعارماشىلىق كوكجيەگىن كەڭەيتەدى، بارىمىزگە جەتىستىك جولىن تابۋعا مۇمكىندىك بەرەدى.
ءبىزدىڭ ءارقايسىمىز ەلىمىزدىڭ گۇلدەنۋىنە ءوز ۇلەسىمىزدى قوسا الامىز. ءبىزدىڭ وتانسۇيگىشتىگىمىزگە، اۋىزبىرشىلىگىمىزگە، بىلىمگە ۇمتىلىسىمىز بەن ەڭبەكسۇيگىشتىگىمىزگە تەك جەكە جەتىستىگىمىز عانا ەمەس، قازاقستاننىڭ بولاشاعى دا بايلانىستى. ءبىزدىڭ ەنەرگيامىز بەن العا ۇمتىلۋداعى جىگەرىمىز - «ماڭگىلىك ەل» يدەياسىنىڭ قوزعاۋشى كۇشى.
ەلباسىمىزدىڭ اينالاسىنا توپتاسا وتىرىپ، ءبىز، قازاقستان جاستارى، ۇلى جەتىستىكتەرگە جەتەتىنىمىزگە سەنىمدىمىز!
ءبىز باقىتتى وتباسى، تۇراقتى جۇمىس جانە ەرتەڭگى كۇنگە دەگەن سەنىمدىلىكتى تاڭدايمىز!
ءبىز وتانىمىزدىڭ دامۋى مەن گۇلدەنۋى، حالقىمىزدىڭ بەيبىتشىلىگى مەن بىرلىگى ءۇشىن داۋىس بەرەمىز!
ءبىز باياندى بولاشاقتى تاڭدايمىز! ءبىز قۋاتتى قازاقستاندى تاڭدايمىز!
ءبىز نۇرسۇلتان نازاربايەۆقا داۋىس بەرەمىز!
ول - ءبىزدىڭ پرەزيدەنتىمىز! بۇل - ءبىزدىڭ بولاشاعىمىز، ءبىزدىڭ ەلىمىز!
ەلباسىمەن بىرگە - جاڭا جەڭىستەرگە!
قازاقستان رەسپۋبليكاسى پرەزيدەنتتىگىنە كانديدات ن. ءا. نازاربايەۆتىڭ جازباشا كەلىسىمىن الماعان تۇلعالارعا بۇل ماتەريالدى سايلاۋ الدى ۇگىت- ناسيحات جۇرگىزۋگە بايلانىستى پايدالانۋعا تىيىم سالىنعان.
قازاقستان رەسپۋبليكاسىنىڭ پرەزيدەنتتىگىنە كانديدات نۇرسۇلتان ءابىش ۇلى نازاربايەۆتىڭ سايلاۋ قورىنىڭ قاراجاتىنان تولەندى.
تاپسىرىس بەرۋشى: اكسيۋتيتس ا. ۆ.
