بەتىندەگى تۇك باسقان قالىسىمەن ماقتاناتىن قىز - فوتو
بالا كەزىندە اتا-انالارىنان قالدى الىپ تاستاۋعا رۇقسات بەرۋىن جالىناتىن بويجەتكەن قازىر قالىمەن كەرىسىنشە ماقتاناتىنىن ايتۋدا.
ءبيشى قالى ونى وزگەلەردەن ەرەكشە ەتەتىنىنە سەنىمدى.
Boredpanda.com شەتەلدىك سايتى نازارلارىڭىزعا بويجەتكەننىڭ ومىرىنەن فوتولار ۇسىنادى.
كاسساندرا ناۋد كانادانىڭ البەرت ولكەسىندە دۇنيەگە كەلگەن. ونىڭ تۋعاننان پايدا بولعان قالىنىڭ بەتى تۇككە تولى.
كاسساندرانىڭ اتا-اناسى قىزدىڭ بەتىنەن قالدى الۋدى دارىگەرلەردەن سۇراعاندا، ولار بەتىندە ۇلكەن ويىق قالۋى مۇمكىن دەگەن. ويلاي كەلە، اتا-انالارى مۇنداي تاۋەكەلگە بارماۋدى شەشكەن.
22 جاستاعى كاسساندرا مەديتسينا دامىعان بۇگىنگى كۇندە بەتىندەگى قالدى الۋ جاعىن ءوزى شەشۋگە قۇقىلى. ءبيشى بەتىندەگى قال ءۇشىن وتا جاساتپاۋعا بەل بۋىپتى. جانە بۇعان بەتىندە قالاتىن ويىقتار قاۋپى ەمەس، قالدىڭ ءوزىن ەلدەن ەرەكشەلەۋى سەبەپ بولعان.
بۇگىندە بويجەتكەن كاسىبي بيمەن شۇعىلدانادى.
ونىڭ بۇل ەرەكشەلىگى ءوز سۇيىكتىسىن تابۋعا دا كەدەرگى بولماعان!
كاسساندرا لوس-اندجەلەسكە كوشىپ كەلىپ، سۇيىكتى ىسىمەن اينالىسۋدا. ول ءبي الەمىندە كوپ جەتىستىكتەردى باعىندىردى جانە الداعى ۋاقىتتا دا باعىندىرا بەرمەك.
قالى ونىڭ امەريكادا درامالىق مەكتەپتى ءبىتىرىپ، دوستار تابۋعا دا كەدەرگى بولماعان.
ءبيشىنىڭ ايتۋىنشا، كوپ قىزدار وعان «قورقىنىشتى» قالىن الدىرتىپ تاستاۋعا كەڭەس بەرگەن. الايدا بويجەتكەن بۇل قال ونى ەلدىڭ ەسىندە ۇزاققا قالۋىنا سەپتىگىن تيگىزەدى دەپ ەسەپتەيدى.
كاسساندرا مانساپ جولىندا ودان ءبي اگەنتتىكتەرى قالدى الۋىن تالاپ ەتكەندە داۋ شىعارعان.
«باسىندا بۇل تالاپتارىنا قانشا تاڭ قالسام دا سوزدەرىنە ەرىپ، كەلىسە سالماقشى بولدىم... ءبىراق كەيىن شەشىمىمدى وزگەرتتىم»، - دەيدى كاسساندرا.
مەكتەپتە ونى مازاق ەتۋشىلەر جەتكىلىكتى بولعان. «تۇرتپەكتەيتىندەرگە وزدەرىڭدى تومەندەتتىرمەي، ەرەكشەلىكتەرىڭدى ماقتان تۇتىڭدار»، - دەيدى بويجەتكەن.
بارلىعىنان ەرەكشە بولساڭىز ەلگە ۇقساپ باعۋعا تىرىسۋدىڭ قاجەتى جوق دەپ سانايدى كاسساندرا.
ء
بيشى قالىنىڭ ومىردە جەتىستىكتەرگە جەتۋىنە ەش كەدەرگى بولماعاندىعىن ايتۋدا.
NUR. KZ
