جولداسىن اجالدان اراشالاعان وقۋشىنىڭ ەرلىگى ەلەۋسىز قالمادى

استانا. قازاقپارات - سۇراپىل سوعىستا وت كەشكەن مايدانگەرلەردىڭ كوزسىز باتىرلىعى ۇرپاققا ۇلگى.

ەندى سول مايدانگەرلەردىڭ ەرلىك ىستەرىن نەمەرەلەرى جالعاستىرىپ ءجۇر.

مۇنى ورالداعى №1 -ورتا مەكتەپتىڭ 5-سىنىپ وقۋشىسى مەيرامبەك اۋباكىروۆ دالەلدەدى.

ول جايىق وزەنىندە ويناپ جۇرگەندە مۇز ويىلىپ كەتىپ، دوسىنىڭ سۋعا باتىپ بارا جاتقانىن كورگەن.

دەرەۋ كومەككە ۇمتىلعان جەتكىنشەك جولداسىن اجالدان اراشالاپ قالدى. وجەت ورەننىڭ ەرەن ەرلىگى ەسكەرۋسىز قالعان جوق. مەكتەپتە وتكەن سالتاناتتى شاراعا سوعىس ارداگەرلەرى مەن ازاماتتىق اليانس ۇيىمىنىڭ وكىلدەرى قاتىستى.

وبلىستىق توتەنشە جاعدايلار دەپارتامەنتىنىڭ قىزمەتكەرلەرى مەيرامبەك اۋباكىروۆتىڭ سىندارلى ساتتە ۇرەيگە بوي الدىرماي، شۇعىل كومەككە كەلگەنىن ەرەكشە اتاپ ءوتتى. ەرلىكتىڭ ۇلگىسىن كورسەتكەن شاكىرتكە العىس حات پەن باعالى سىيلىق رەتىندە سمارتفون تابىس ەتىلدى. مەيرامبەك اۋباكىروۆ، 5 سىنىپ وقۋشىسى:

- بوكستان شىقتىق، سوسىن سىرعاناۋعا باردىق. سودان سوڭ ءاليحان دەگەن بالا سىرعاناپ كەتىپ قالعان ەكەن. ارتىما قاراسام، ول سۋدا جاتىر. ءبىر مەزەتتە مۇز ويىلىپ كەتىپ، ءاليحان سۋعا ءتۇسىپ كەتتى. ول «قۇتقارىڭدار، قۇتقارىڭدار!» دەپ ايقايلادى. مەن ويلانباستان باردىم، وزىمدە دە قورقىنىش بولدى. تاياقتى الىپ كەلىپ، شىعارىپ الدىم. مەن ۇلكەن ەرلىك جاسادىم با، جاسامادىم با ول جاعىن بىلمەيمىن. ءبىراق ادامدار ءبىر- بىرىنە كومەكتەسۋى كەرەك.

ءمادينا مابدەنوۆا، سىنىپتاسى:

- ءبىزدىڭ سىنىپتىڭ ماقتانىشى بولىپ تابىلادى. ساباقتى جاقسى وقيدى، ادال بالا. ادامگەرشىلىگى مول. ءارتۇرلى ۇيىرمەلەرگە قاتىسادى، حالىقارالىق سايىستاردا 1 -ورىن الىپ كەلەدى. مەدالدارى كوپ. ول وسكەندە باتىر ازامات بولىپ وسەدى دەپ سەنەمىن.

www.24.kz