08:38, 10 - ءساۋىر 2015 | GMT +5
الپاۋىت ەلدەردىڭ الىپتارى ايقاسپاق
استانا. قازاقپارات - كاسىپقوي بوكستان الەم چەمپيونى ۆلاديمير كليچكو ءساۋىردىڭ 25 ىندە شارشى الاڭداعى شايقاسقا شىعادى.
قارسىلاسى - كۇللى امەريكا ءۇمىت ارتاتىن برايانت دجەننينگس. قازىر كليچكو فلوريدادا جاتتىعۋ جاساپ ءجۇر.
بىلعارى قولعاپتىڭ حاس شەبەرى باسپا ءسوز وكىلدەرىن كەزەكتى دايىندىعىنا ارنايى شاقىرىپ، نيۋ-يوركتەگى Madison Square Garden دەگى سايىسقا ساقاداي ساي ەكەنىن مالىمدەدى.
39 جاستاعى ۆلاديمير كاسىپقوي رينگتە 63 كەزدەسۋ وتكىزگەن. سونىڭ 53 ىن نوكاۋتپەن اياقتادى.
دەگەنمەن بۇل جولعى قارسىلاسى دا قارا جاياۋ ەمەس. دجەننينگس 19 جەكپە-جەكتىڭ بارىندە جەڭىسكە جەتكەن. 30 عا تولعان تولاعاي دا كەزەكتى كەزدەسۋگە تاس-ءتۇيىن دايىندىق جاساپ جاتىر.
www.24.kz
