قاراعاندىلىق وقۋشىلار ۇلتتىق عارىش ورتالىعىندا بولدى - فوتو
قاراعاندىدا 10-11 - ءساۋىر كۇندەرى وتەتىن عارىش فورۋمىنىڭ، سونداي-اق بەس قاراعاندىلىق مەكتەپتەگى كادەت سىنىپتارى وقۋشىلارىنىڭ قازاقستان استاناسىنا ساپارىن «قاراعاندى قالاسىنىڭ اۆياتسيا جانە كوسموناۆتيكا مۇراجايى» قوعامدىق بىرلەستىگىنىڭ ديرەكتورى ماعريفا كارىبەكوۆا ۇيىمداستىردى.
بالالار ەلورداداعى وقۋشىلار سارايىندا بىرەگەي پلانەتاريدى كورىپ، جاس عارىشكەرلەر مەكتەبىن باسقاراتىن ق ر سىناۋشى عارىشكەر ايدىن ايىمبەتوۆپەن كەزدەستى.
قاراعاندىلىق وقۋشىلار قازعارىشتىڭ رۇقسات ەتۋىمەن قازاقستاننىڭ ۇلتتىق عارىش ورتالىعىندا بولدى.
«قازاقستان عارىش ساپارى» ۇلتتىق كومپانياسى پرەزيدەنتىنىڭ مىندەتتەرىن اتقارۋشى مارات نۇرعوجين بالالارعا ەلدە عارىش تەحنولوگيالارىن قۇراتىن كومپانيانىڭ جۇمىسى تۋرالى ايتىپ بەردى.
«ءبىز ءۇشىن استاناعا ساپار عارىشكەرلەر كۇنى قارساڭىندا ناعىز سىيلىق بولدى. الەمدىك جانە وتاندىق كوسموناۆتيكانىڭ تاريحىن ناسيحاتتايتىن قوعامدىق بىرلەستىگىمىز وسكەلەڭ ۇرپاققا قازعارىشتىڭ بۇگىنگى ناقتى تابىستارىن كورسەتۋدى قاجەت دەپ سانادى»، - دەدى م. كارىبەكوۆا.
