قازاقستاندىق اسكەري وقۋ ورىنىنىڭ كۋرسانتتارى ماسكەۋدە وتەتىن پارادقا قاتىسادى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى. وسىدان 70 جىل بۇرىن، 1945-جىلى ۇلى وتان سوعىسىندا فاشيستەردى ويسىراتا جەڭگەن اعا-اپالارىمىز جەڭىس كۇنى ءدال وسى الاڭدا ساپ تۇزەپ ادىمداعان بولاتىن.
اسكەري وقۋ ورنىنان 74 ۇزدىك كۋرسانت ىرىكتەلىپ الىندى. قازىرگى ۋاقىتتا كۋرسانتتار الماتىداعى تۇراقتى ورنالاسقان پۋنكتەردە جاتتىعۋ جۇرگىزۋدە. كۋرسانتتار ءساۋىر ايىنىڭ سوڭىندا ولار ماسكەۋگە بارىپ، رەسەيلىك اسكەري قىزمەتشىلەرمەن بىرگە جاتتىعۋلارعا كىرىسەدى.
اعىمداعى جىل ۇلى وتان سوعىسىنداعى جەڭىستىڭ 70 جىلدىق مەرەيتويىنا ارنالعان ايتۋلى جىل. ق ر قورعانىس مينيسترىلىگى مەرەي تويدى اتاپ ءوتۋ اياسىندا اۋقىمدى ءىس-شارالاردى ۇيىمداستىرۋدا. ولار اسكەري-پاتريوتتىق اكسيالار، قۇرمەت كورسەتۋلەر، بايقاۋلار جانە باسقالاردى قامتيدى. جەڭىس مەرەيتويىن مەرەكەلەۋدىڭ شارىقتاۋ شەگى اسكەري پارادپەن جالعاسادى.
«7- مامىر كۇنى «قازاق ەلى» مونۋمەنتىندە ق ر ق ك بۇكىل تاريحىنداعى اۋقىمى جاعىنان تەڭدەسى جوق ەڭ ءىرى اسكەرلەر پارادى وتەدى. پاراد ءبىزدىڭ ارميانىڭ، قوعامنىڭ، قازاقستان حالقىنىڭ جاۋىنگەرلىك قۋاتىن، بىرلىگىن جانە تۇتاستىعىن كورسەتە وتىرىپ، ەگەمەندى ەلىمىزدىڭ مىزعىماس بەينەسىن ايقىنداي تۇسەدى.
قازىرگى ۋاقىتتا پارادقا قاتىسۋشىلار، قارۋ-جاراقتار مەن اسكەري تەحنيكا استانا ماڭىنداعى بازالارعا ورنالاستىرىلعان. بۇگىندە اسكەريلەردىڭ ساپتى قۇرامى كۇن سايىن جاتتىعۋلار وتكىزسە، ال 20- ساۋىردەن باستاپ مەحانيكالاندىرىلعان لەكتەر جاتتىعۋىن باستايدى.
باستى رەپەتيتسيانىڭ ءوتۋى 2,4 جانە 5- مامىر كۇندەرى جوسپارلانىپ وتىر. بۇل رەپەتيتسيا ق ر قورعانىس ءمينيسترى مەن ق ر ق ك باس شتابى باستىعىنىڭ قاتىسۋىمەن وتەدى»، - دەپ اتاپ ءوتتى ق ر ق ك باس شتابى باستىعىنىڭ ورىنباسارى گەنەرال- مايور ءمۇسلىم التىنبايەۆ.
ۇ و س جەڭىستىڭ 70 جىلدىعىنا ارنالعان اسكەري پاراد ارقىلى ارداگەرلەرگە، مايداندا قازا بولعان جاۋىنگەرلەرگە جانە ۇرىس دالاسىنان امان-ەسەن ورالعان جەرلەستىرىمىزگە دەگەن قۇرمەتتى بىلدىرەدى.
