كوكتەم كەش كەلىپ، اۋىل تۇرعىندارى قوسىمشا جەم-ءشوپ الۋعا ءماجبۇر بولدى - فوتو

قاراعاندى. قازاقپارات - قاراعاندى وبلىسىندا كوكتەمنىڭ شىعۋى كەشىگىپ، دالانى قار باسىپ جاتقاندىقتان، اۋىل تۇرعىندارى الدىندا جەم- ءشوپ ماسەلەسى تۋىندادى، دەپ جازادى «قازاقپارات» ح ا ا ايماقتاعى ءتىلشىسى.

وساكاروۆكا اۋدانىنداعى اتالعان ماسەلەنىڭ وڭ شەشىلۋىنە قىسقى قورى ساقتالعان «ەڭبەك 95» ج ش س كومەككە كەلدى.

«ءبىز 600 باسقا ارنالعان ءسۇت فەرماسىنىڭ قۇرىلىسىن جۇرگىزىپ جاتىرمىز. سوندىقتان، بىلتىرعى قىستان قالعان جەم-ءشوپ قورى بار. مىنانداي ارا رايىنىڭ جاعدايىنا بايلانىستى ادامدارعا كومەكتەسۋ كەرەك»، - دەدى سەرىكتەستىك ءتوراعاسى ولەگ بەسپلەمياننىي.

ونىڭ ايتۋىنشا، جەم-ءشوپتى الۋعا تەك وساكاروۆكا اۋدانى عانا ەمەس، وزگە دە اۋدان تۇرعىندارى كەلگەن.

«ءتىپتى، پاۆلودار وبلىسىنان دا حابارلاسقاندار بولدى. ءبىر جارىم اپتانىڭ ىشىندە مىڭ تونناداي، ساقتاعان قورىمىزدىڭ تەڭ جارتىسىن ساتىپ جىبەردىك. تاۋلىگىنە 100 توننادان الىپ كەتىپ جاتتى»، - دەيدى و. بەسپلەمياننىي.