بەردىبەك ساپاربايەۆ ق ر پرەزيدەنتى ءىس باسقارماسى مەديتسينالىق ورتالىعىنىڭ جاڭا اۋرۋحاناسىندا بولدى

استانا. قازاقپارات - ق ر پرەمەر- مينيسترىنىڭ ورىنباسارى بەردىبەك ساپاربايەۆ شەتەل جانە عىلىمي ورتالىقتارىنىڭ عالىمدارىمەن بىرگە جاڭادان اشىلعان ق ر پرەزيدەنتى ءىس باسقارماسى مەديتسينالىق ورتالىعىنىڭ جاڭا اۋرۋحاناسىن ارالاپ كوردى.

اتالمىش مەكەمە 10 - ناۋرىزدا عانا ەسىگىن اشتى. كەشەندە 200 ستاتسيونارلىق، 8 وپەراتسيالىق ورىن، 4 ەمحانا بار. مۇندا تاۋلىگىنە 1000 ادام  ەم قابىلداي الادى.

 اۋرۋحانادا جوعارى بىلىكتى قىزمەتكەرلەر قىزمەت ەتەدى. ولاردىڭ ىشىندە 11 دوكتور، 24 عىلىم كانديداتى بار، قىزمەتكەرلەردىڭ جارتىسىنان استامى جوعارى كاتەگوريالى ماماندار. ولاردىڭ كەيبىرى شەتەلدىڭ جەتەكشى كلينيكالارىندا ءبىلىم الدى.

«اتالعان كەشەن جاقىندا عانا قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن اشىلعان. مۇندا بارلىق حالىقارالىق ستاندارتتارعا ساي كەلەتىن مەديتسينالىق جابدىقتار بار. بۇرىن قازاقستاندىقتار ساپالى ەم الۋ ءۇشىن شەتەلگە شىعۋعا ءماجبۇر ەدى، ەندى ونداي قاجەتتىلىك جوق. جاڭا ورتالىق اشىلعالى جاڭا اۋرۋحانادا تەكسەرىلۋدەن وتۋگە بولادى»، - دەپ اتاپ ءوتتى ۆيتسە- پرەمەر.

 ايتا كەتۋ كەرەك، اۋرۋحانادا الەمدىك دەڭگەيدەگى جابدىقتارمەن قاتار، زاماناۋي دياگنوستيكالىق بلوك جانە يادرولىق مەديتسينا بولىمشەسى بار.

 اۆتور: جاسۇلان جولدىبايەۆ