وتىرعان قىزداردىڭ وتىز سىلتاۋى
سونىمەن، قىزدار، نە ءۇشىن تۇرمىس قۇرماي جۇرسىزدەر؟
« ءوز جاعدايىمدى جاساپ، ەشكىمگە قول جايمايتىنداي بولعاندا عانا تۇرمىس قۇرامىن»
«اتا- انام مەنى ءوسىردى، وقىتتى - ولاردىڭ الدىندا قارىزدارمىن. الدىمەن ولاردىڭ الدىندا ءوز پارىزدارىمدى ورىنداپ الايىن، سودان كەيىن كورە جاتارمىز.. .»
«تۇرمىس قۇرۋ جايىندا ءالى ويلانىپ كورمەپپىن»
«تۇرمىس قۇرۋعا ءالى دە كەش ەمەس، مەن ءالى وتىرعان جوقپىن»
«تۇرمىس قۇرعان سوڭ تەك تۇرمىستىڭ الەگىمەن جۇرە بەرەسىڭ، جۇرە بەرەسىڭ. ءبىر قاراساڭ - اجە بولىپ وتىراسىڭ.. .»
«جىگىتتەردىڭ ءبارى وتىرىكشى»
«ويىمداعى جىگىت كەزدەسپەي ءجۇر»
«جىگىتىمنىڭ ۇيلەنۋگە ۇسىنىس جاساعانىن كۇتىپ ءجۇرمىن»
«الدىما قويعان ماقساتتارىما جەتىپ الايىن»
«تۇرمىس قۇرعىم كەلمەيدى»
«ەركەكتەردىڭ ساۋى جوق، ءبارى - وپاسىز! بۇگىن مەنى ۇناتسا، ەرتەڭ باسقا بىرەۋگە باسى اۋىپ كەتەدى»
«جىگىتتەر تەك قىزداردىڭ تۇرىنە عانا قارايدى. وزدەرىنىڭ رەڭدەرىنىڭ قانداي ەكەنىمەن ءتىپتى دە جۇمىستارى جوق»
«تۇرمىسقا شىقسام پروبلەمالارىم كوبەيىپ كەتەدى. ونسىز دا ءبىرازىن ءالى شەشە الماي ءجۇرمىن»
«مەن انامنىڭ جالعىزىمىن. تۇرمىسقا شىققان كۇندە دە انامدى قولىما الۋىم كەرەك. كوبى مۇنداي تالاپقا كەلىسپەيدى. مەن دە جالىنبايمىن»
«كۇيەۋگە تيگەن سوڭ ەشقايدا شىعا الماي، ءجىپسىز بايلانىپ قالاسىڭ. ارمانىڭ دا، ماقساتىڭ دا، جوسپارىڭ دا جايىنا قالادى»
«بالا تۋعىم كەلمەيدى. ويتكەنى ءوزىمنىڭ ءمىنسىز دەنە ءبىتىمىمدى بۇزىپ الۋدان قورقامىن»
«مەنى ۇناتقانداردى مەن ۇناتپايمىن، ماعان ۇناعاندار مەنى ۇناتپايدى»
«اعام ۇيلەنسىن الدىمەن. سوسىن اپكەم بار ءالى»
«اۋىلدا ءۇيىمىزدى جوندەتىپ، ەسىكتىڭ الدىنا سەمەنت قۇيىپ الايىق»
«شەتەلگە شىعىپ، ەل كورىپ، جەر كورىپ قالايىن»
«تۇرمىسقا شىعىپ نەسىنە اسىعامىن؟ ءومىردىڭ بار قىزىعىن كورىپ المايمىن با؟ »
«تۇرمىسقا شىققان قۇربىلارىمدى كورىپ ءجۇرمىن: جەتىسىپ جۇرگەن ەشكىم جوق. تۇرلەرى ءابىرجىپ، شەتىنەن بالا تۋىپ ۇيلەرىندە وتىر»
«دوكتورلىقتى قورعاپ الايىن، ايتپەسە وتباسىلى ايەلدىڭ ءبىلىم الىپ، جۇمىس جاساۋى قيىن بولىپ كەتەدى»
«كەلىسىمشارت بويىنشا ءالى ءبىراز جىلعا دەيىن تۇرمىسقا شىعۋىما رۇقسات جوق»
«بىرەۋگە باعىنىشتى بولعىم كەلمەيدى. بىرەۋدىڭ ايتقانىمەن ءجۇرىپ تۇرۋ مەنىڭ قولىمنان كەلمەيدى. تۇرمىس قۇرعاننىڭ وزىندە وسىنداي مىنەزىم ءۇشىن كوپكە بارماي اجىراسىپ تىناتىن شىعارمىن. سوندىقتان باستاپ، جارتى جولدان تاستاعانشا، مۇلدە باستاماي- اق قويسام دەيمىن»
«تۇرمىس قۇرعىم- اق كەلەدى. ءبىراق جىگىتتەردىڭ ءبارى ۇيلەنەردە «سەنى ۇلدە مەنەن بۇلدەگە وراپ قويامىن» ، «سەنى ءومىر بويى ءسۇيىپ وتەمىن» ، «سەنى الاقانىمدا ۇستايمىن» دەگەن شابلون سوزدەرىن ايتىپ- ايتىپ الادى دا، ۇيلەنگەن سوڭ جۇدىرىق الا جۇگىرەدى»
«ءومىر ءوزى - تىم قىسقا. ونى تۇرمىستا وتكىزگىم كەلمەيدى»
«ماعان ۇناعان جىگىتتەردى انام ۇناتپاي ءجۇر»
«ايەل بولۋعا ءالى دايىن ەمەسپىن»
«بولاشاق ەنەمنىڭ قانداي بولارىن ويلاپ قام جەيمىن. ەگەر ول جايسىز بولسا، كۇيەۋىڭنىڭ جاقسى بولعانىنان نە پايدا؟ سوندىقتان جىگىت ەمەس، ەنە تاڭداپ ءجۇرمىن»
massaget.kz
