استانالىقتار جەڭىس شەرۋىندە ۇشقىشتاردىڭ ەرەكشە تريۋكتەرىن كورمەۋى مۇمكىن

استانا. قازاقپارات - استانادا ۇلى جەڭىستىڭ 70 جىلدىعىنا ارنالعان اسكەري شەرۋدە ۇشقىشتار اۋەدە 70 سانىن ورنەكتەمەيتىن بولدى. بۇل تۋرالى ق ر قارۋلى كۇشتەرى باس شتابى باسشىسىنىڭ ورىنباسارى، گەنەرال- مايور ءمۇسىلىم التىنبايەۆ ءمالىم ەتتى.

گەنەرال- مايوردىڭ ايتۋىنشا، بۇل ازىرگە تولىق شەشىمىن تاپقان جوق، دەگەنمەن قاۋىپسىزدىك شارالارىنا بايلانىستى ونىڭ ورىندالماۋى دا بەك مۇمكىن.

«70 سانىنا كەلەتىن بولساق، الدىندا شەرۋدە اۋەدە ونداي تريۋك جاساۋ كوزدەلگەن بولاتىن. ءبىراق تۇپكىلىكتى شەشىم قابىلدانعان جوق ءالى. ءبىزدىڭ ۇشقىشتاردىڭ شەبەرلىگى وعان جەتەدى. ءبىراق قاۋىپسىزدىك ماسەلەسى كۇمان ۇيالاتادى. سوندىقتان ونىڭ ورىندالاتىنى انىق ەمەس، مۇمكىن ۇشقىشتار ستاندارتتى ۇشۋلارمەن شەكتەلەدى»، - دەدى ول.

 ەسكە سالا كەتەيىك، بۇنىڭ الدىندا ۇشقىشتار ەلوردا كوگىندە 70 سانىن سالىپ بەرۋگە دايىن ەكەندىكتەرىن ءمالىم ەتكەن بولاتىن.

 اۆتور: جاسۇلان جولدىبايەۆ