ءۇرىمجى قالاسىنىڭ ماڭىندا جەراستى جانارتاۋى بايقالدى

استانا. قازاقپارات - ءۇرىمجى قالاسىنىڭ تۇرعىنى ارنايى ورىندارعا حابارلاسىپ قالا ماڭىنان جانارتاۋ بايقاعانىن مالىمدەدى.

 جەرگىلىكتى قالالىق باسىلىمىنىڭ جازۋى بويىنشا 7 - ءساۋىر كۇنى ارنايى مامانداردان جاساقتالعان توپ شوق بولىپ بالقىپ جاتقان جەرگە زەرتتەۋ جۇمىستارىن جۇرگىزدى.

 ديامەترى 1-1,5 مەتر بولاتىن جانارتاۋ اۋزىنىڭ تەمپەراتۋراسى 800 گرادۋستى كورسەتكەن. مامانداردىڭ پايىمداۋىنشا، بۇل جەر قويناۋىنداعى كومىر كەنىنىڭ وزدىگىنەن جانىپ كەتۋى ناتيجەسىندە پايدا بولعان.

بۇل وتتى جەر ازىرگە تۇرعىندارعا قاۋىپ ءتوندىرىپ تۇرعان جوق، ءبىراق ءورت سوندىرۋشىلەر جەر استىنىڭ قانشالىقتى قۋىس ەكەنىن بىلە الماي الماي وتىر. ءتىپتى وسى ماڭداعى اۋماق وپىرىلىپ ءتۇسۋى مۇمكىن ەكەنىن دە جوققا شىعارمايدى. جەرگىلىكتى تۇرعىندار بۇل ماڭايدى ارنايى قورشاۋ كەرەك ايتپەسە مال- جان شۇڭقىرعا ءتۇسىپ كەتەدى مە دەپ الاڭداۋلى.

www.24.kz