اكۋلالار ادامدى يتبالىقپەن شاتاستىرىپ، شابۋىلداۋى مۇمكىن
اكۋلالاردىڭ كورۋ قابىلەتى ناشار بولىپ كەلەدى ەكەن. « سول سەبەپتى ولار ادامدى يتبالىقپەن نەمەسە تەڭىز ارىستانىمەن شاتاستىرىپ الىپ، جەپ قويۋى مۇمكىن»، - دەيدى عالىمدار.
بۇل قاۋىپتىڭ قانشالىقتى شىن ەكەندىگىن انىقتاۋ ءۇشىن اۆسترالياداعى تارونگ زووباعىنىڭ بيولوگتارى يتبالىق پەن تەڭىز ارىستاندارىنىڭ قوزعالىسىن بەينەتاسپاعا ءتۇسىرىپ العان. سونداي- اق ولاردىڭ شىعاراتىن دىبىستارى دا اۋديو تۇرىندە جازىلىپ الىندى. سۋعا ءتۇسىپ جۇزگەن ادامداردىڭ دا قيمىل- قوزعالىستارى بەينە جانە اۋديوعا ءتۇسىرىلدى. ەندى بيولوگتار الىنعان مالىمەتتەردى اكۋلالاردىڭ كورۋى مەن ەستۋىن ۇقساتىپ كەلتىرەتىن ارنايى كومپيۋتەرلىك باعدارلاماعا ەنگىزبەك. ارتىنان وسى اقپارات وڭدەلىپ، ناتيجەلەرى قولعا تيگەندە عالىمدار جۇزۋشىلەرگە ارناپ، اكۋلا شابۋىلىن بولدىرماۋ جونىنەن نۇسقاۋلىقتار باسىپ شىعارادى.
www.24.kz
