16:43, 09 - ءساۋىر 2015 | GMT +5
مانشۇك پەن ءاليانىڭ ەرلىگى تۋرالى «تاعدىر» انيماتسيالىق فيلمى تۇسىرىلۋدە
استانا. قازاقپارات - مانشۇك مامەتوۆا مەن ءاليا مولداعۇلوۆانىڭ ەرلىگى تۋرالى «تاعدىر» انيماتسيالىق فيلمى ءتۇسىرىلىپ جاتىر.
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر مادەنيەت جانە سپورت ۆيتسە- ءمينيسترى عالىم احمەدياروۆ ءمالىم ەتتى.
«بۇل انيماتسيالىق فيلم مانشۇك مامەتوۆا مەن ءاليا مولداعۇلوۆانىڭ عانا ەمەس، باۋىرجان مومىش ۇلىنىڭ دا ەرلىگى تۋرالى. ول نەشە مينۋتتىق بولاتىنىن قازىر ايتا المايمىن. ول جوبانى قازاق فيلم اكسيونەرلىك قوعامى، ق ر مادەنيەت جانە سپورت مينيسترلىگىنىڭ مەملەكەتتىك تاپسىرىسى بويىنشا جاساۋدا. بۇل فيلمدى 9 - مامىردا كورەمىز دەگەن ءۇمىت بار»، - دەدى ول.
ونىڭ ايتۋىنشا، مۋلتفيلم ەلدەگى بىرنەشە ۇلتتىق ارنالاردان كورسەتىلەدى.
سونىمەن قاتار بيىل «اناعا اپارار جول» اتتى فيلم ءتۇسىرۋ جۇمىستارى اياقتالادى. سونداي- اق ۇلى وتان سوعىسى تاقىرىبىنا ارنالعان ءبىرقاتار دەرەكتى فيلمدەردى ءتۇسىرۋ جۇمىستارى جۇرگىزىلىپ جاتىر.
