قازاقستان مەن تۇركيانىڭ قارۋلى كۇشتەرى وفيتسەرلەرىمەن الماسۋعا كەلىستى
بۇل تۋرالى تۇرىك رەسپۋبليكاسى قارۋلى كۇشتەرىندەگى قۇرلىق اسكەرلەرىنىڭ باس قولباسشىسى ارميا گەنەرالى حۋلۋسي اكار باستاعان اسكەري قىزمەتشىلەر دەلەگاتسياسىنىڭ استاناعا رەسمي ساپارى بارىسىندا بەلگىلى بولدى. «ق ر قورعانىس ءمينيسترىنىڭ ءبىرىنشى ورىنباسارى - ق ر ق ك باس شتابىنىڭ باستىعى گەنەرال-پولكوۆنيك ساكەن جاسۇزاقوۆ تۇرىك ەلىنەن كەلگەن ارىپتەستەرىن قارسى الا وتىرىپ، قازاقستان تۇركيامەن ىنتىماقتاستىقتى دامىتۋعا ايتارلىقتاي كوڭىل ءبولىپ وتىرعاندىعىن جانە ونىڭ نەگىزى ەكى ەلدىڭ تاريحي-مادەني تۋىستىعىندا جاتقانىن اتاپ ءوتتى»، - دەدى باسپا ءسوز قىزمەتىندەگىلەر.
قازاقستان جانە تۇركيانىڭ قورعانىس اۋماعىندا ءوزارا تاجىريبە الماسۋدىڭ ماڭىزى زور، ونىڭ ىشىندە زاماناۋي قارۋ-جاراقتار مەن اسكەري تەحنيكالاردى مودەرينيزاتسيالاۋ جانە ازىرلەۋ، سونداي-اق اسكەري قىزمەتشىلەردى جاۋىنگەرلىك دايارلاۋ ادىستەرىن زەردەلەۋ سالاسىن ەرەكشە اتاۋعا بولادى.
سونىمەن قاتار، ق ر ق ك قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەيەۆتىڭ تۇرىك رەسپۋبليكاسى ق ك قۇرلىق اسكەرلەرىنىڭ باس قولباسشىسى ارميا گەنەرالى حۋلۋسي اكارعا «ق ر قارۋلى كۇشتەرىنىڭ 20 جىلدىعى» مەرەيتوي مەدالىن تابىس ەتكەنى حابارلاندى. تۇرىك دەلەگاتسياسى ساپار بارىسىندا 68665 اسكەري بولىمىندە بولىپ، «قازاقستان Aselsan ينجينيرينگ» زاۋىتىنداعى قارۋ-جاراقتار مەن اسكەري تەحنيكالار ۇلگىلەرىمەن تانىسىپ قايتتى.
وسىدان كەيىن قوناقتار ق ر تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرستيتەتىن جانە «بايتەرەك» مونۋمەنتىن، «حازرەت سۇلتان» مەشىتىن، ق ر ۇلتتىق مۇراجايى جانە باسقا دا استانانىڭ كورىكتى جەرلەرىن ارالادى.
