قازاقستاندا تىيىم سالىنعان ءدىني ۇيىمدار قىزمەتىن توقتاتار ەمەس
بۇگىن بۇل تۋرالى دىندەردى زەرتتەۋ ورتالىقتارى قاۋىمداستىعىنىڭ ديرەكتورى يۋليا دەنيسەنكو حابارلادى.
ونىڭ ايتۋىنشا، تەرىس ءدىني اعىمدار ۇلتتىق سالت-داستۇرلەردى جوققا شىعارىپ، ادامدى سەكتا جولىن تاڭداۋعا ۇگىتتەيدى. ولار ازاماتتاردى الداپ-ارباپ، ۇيىمعا كىرۋگە كوندىرەدى ەكەن. تابىنۋشىسىنىڭ سەنىمىنە مىقتاپ كىرگەن سوڭ، باسشىلار باسقا مىنەز كورسەتە باستايدى. باسپاناسى مەن ءۇي-مۇلكىن ساتۋعا، نەسيە الۋعا ماجبۇرلەيدى.
نە بولماسا قىلمىسقا يتەرمەلەيدى. شۇعىل جەلىگە ءدال وسىنداي مۇڭ-زارىن ايتىپ، كومەك سۇراپ كەلەتىندەردىڭ سانى سوڭعى 3 جىلدا 8 مىڭنان اسقان. بۇگىندە قازاقستاندا جۇمىس ىستەپ جۇرگەن ەڭ قاۋىپتى ءدىني اعىمدار - «يەگوۆا كۋاگەرلەرى»، «اتا جولى»، «جاماعات تاكفير»، «حيزبۋت تاحرير» جانە «الليا ايات» ەكەنىن ەستەن شىعارماعان ابزال.
رۋستام سادۋيەۆ، «شۇعىل جەلى 114» اقپاراتتىق كەڭەس بەرۋ ورتالىعىنىڭ تەولوگى:
- سوتپەن جابىلعان بولسا دا، ولاردىڭ اگەنتتەرى ءبىزدىڭ قازاقستاندا ءالى دە بار. ال «جاماعات تاكفير» بۇل كوبىنەسە باتىس ايماقتاردا جۇمىس ىستەيدى. «حيزبۋت تاحرير» وڭتۇستىك وڭىرلەر مەن قاراعاندى وبلىسىندا، ال «الليا ايات» بۇكىل وبلىستاردا بار. تەرىس اعىمداردىڭ ارباۋىنا ءتۇسىپ، جاپا شەككەن جانداردىڭ شۇعىل جەلىدەگى 114 تەلەفون نومىرىنە حابارلاسۋىنا بولادى.
www.24.kz
