استانادا الەمدىك دەڭگەيدەگى دارىگەرلەر تالمانىڭ اۋىر تۇرىنە شالدىققان ناۋقاستارعا كەڭەس بەرەدى

استانا. قازاقپارات - بۇگىن استانادا «ەپيلەپسيا: پروبلەمالار جانە كومەكتى جاقسارتۋ بويىنشا ستراتەگيا» تاقىرىبىندا حالىقارالىق كونفەرەنسيا ءوز جۇمىسىن باستادى.

جيىنعا قازاقستان، ت م د ەلدەرى جانە الىس شەتەلدەردەن (ا ق ش، يتاليا، شۆەتسيا،  ۇلى بريتانيا، گرەتسيا) نەۆرولوگيا جانە ەپيلەپتولوگيا سالاسىنىڭ 300 دەن استام مامانى قاتىسىپ جاتىر.

«اتالعان ءىس- شارا اياسىندا بيىلعى جىلدىڭ 9-10 - ساۋىرىندە الەمدىك دەڭگەيدەگى دارىگەر- ەپيلەپتولوگتار اۋرۋدىڭ اۋىر تۇرىنە شالدىققان ناۋقاستارعا كەڭەس بەرەدى»، - دەلىنگەن ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى تاراتقان مالىمەتتە.

ەپيلەپسيا (قويانشىق، تالمالى اۋرۋ) بۇكىل الەمدە ەڭ كوپ تاراعان نيەۆرولوگيالىق اۋرۋلاردىڭ ءبىرى سانالادى. ورتاشا العاندا تۇرعىنداردىڭ %1، ياعني الەم بويىنشا 65 ميلليوننان استام ادام وسى دەرتپەن اۋىرادى. ال قازاقستاندا 25 مىڭنان استام ناۋقاس ديسپانسەرلىك تىركەۋدە تۇر.

2008 -جىلى دۇنيەجۇزىلىك دەنساۋلىق ساقتاۋ ۇيىمى جۇيكە-پسيحيكالىق دەنساۋلىقتى ساقتاۋ سالاسىنداعى ولقىلىقتاردى جويۋ جونىندەگى ءىس- ارەكەتتەر باعدارلاماسىن جاريالادى. ونىڭ ماقساتى - جۇيكە جۇيەسى بۇزىلعان ادامدارعا ارنالعان قىزمەتتى كەڭەيتۋ بولىپ تابىلادى.

باعدارلاما اۋرۋدى ەرتە انىقتاۋ، ەمدەۋدى باقىلاۋ جانە ناۋقاستاردى ءارى قاراي قاداعالاۋ سالاسىنداعى مەديتسينالىق- سانيتاريالىق العاشقى كومەكتىڭ ماماندانباعان پروۆايدەرلەرىنىڭ تاجىريبەسىنە نەگىزدەلگەن.

استانادا حالىقارالىق كونفەرەنسيا وتكىزۋ دەنساۋلىق ساقتاۋ سالاسىنداعى ىنتىماقتاستىقتى دامىتۋعا، وتاندىق مەديتسينانى حالىقارالىق زاماناۋي زەرتتەۋ باعدارلامالارىنا ىقپالداستىرۋعا، مەديتسينا ماماندارىنىڭ ءبىلىم دەڭگەيىن جانە ناۋقاستارعا كورسەتىلەتىن كومەك ساپاسىن ارتتىرۋعا باعىتتالعان.

بارلىق قۇقىعى قورعالعان.