يليا يلين مەن دينارا ءسادۋاقاسوۆا «جاس وتان» ج ق ورتالىق كەڭەسىنە سايلاندى
«ورتالىق كەڭەستىڭ قۇرامىنا «جاس وتان» ج ق- نىڭ ايماقتىق فيليالدارىنىڭ اتقارۋشى حاتشىلارى، سونداي-اق مادەنيەت جانە سپورت سالاسىنىڭ وكىلدەرى مەن جاس كاسىپكەرلەر كىرىپ وتىر. مىسالى، سپورتشى يليا يلين، شاحماتشى دينارا ءسادۋاقاسوۆا، ءانشى يبراگيم ەسكەندىر، «قازاقستاننىڭ ك ت ك وداعى» ر ق ۇ پرەزيدەنتى ەسەنتۇگەل ەلەۋكەن جانە باسقالارى بار»، دەلىنگەن حابارلامادا.
بۇگىندە ورتالىق كەڭەس 1,5 ميلليون ازاماتتىڭ مۇددەسىنە قىزمەت ەتەدى. قايتا جاساقتالعان كەڭەس 68 پايىزعا جاڭاردى. ولاردىڭ جاس شاماسى 28 دەن 26 عا دەيىن تومەندەتىلدى، ايەلدەر سانى 4 پايىزعا ارتتى، وزگە ۇلتتىڭ وكىلدەرى دە 10 پايىزعا وسكەن.
ايتا كەتەيىك، بۇگىن، استانادا «نۇر وتان» پارتياسى جانىنداعى «جاس وتان» جاستار قاناتىنىڭ كەزەكتەن تىس ІІІ سەزى وتكەن بولاتىن. سەزد جۇمىسىنا ەلىمىزدىڭ بارلىق وڭىرلەرىنەن كەلگەن 2000 دەلەگات قاتىستى، ولاردىڭ ىشىندە «جاس وتان» جاستار قاناتىنىڭ وڭىرلىك فيليالدارىنىڭ وكىلدەرى، جاستار ۇيىمدارىنىڭ كوشباسشىلارى، شىعارماشىلىق، عىلىمي، جۇمىسشى جانە اۋىل جاستارىنىڭ وكىلدەرى، ايگىلى قازاقستاندىق سپورتشىلار، ءماسليحات دەپۋتاتتارى جانە باسقالارى بار. سەزدە «قازاقستان-2050» ستراتەگياسىن ىسكە اسىرۋداعى جاستاردىڭ ءرولى تالقىلاندى، «جاس وتان» جاستار قاناتىنىڭ 2020-جىلعا دەيىنگى باعدارلاماسى قابىلداندى.
اۆتور: جاسۇلان جولدىبايەۆ
