پروفەسسور ماقسۇت نارىكبايەۆ قاتەرلى ىسىكتەن ساۋىعۋدىڭ بىرەگەي ءتاسىلىن ۇسىندى

استانا. قازاقپارات - قازاق گۋمانيتارلىق زاڭ ۋنيۆەرسيتەتىنىڭ رەكتورى ماقسۇت نارىكبايەۆ قازاقستاندىقتارعا قاتەرلى ىسىك اۋرۋىنان ساۋىعىپ كەتۋدىڭ بالامالى تەراپياسىن ۇسىندى.

اتالعان ءتاسىل ارقىلى اۋرۋىنان قۇلان- تازا ايىققان پروفەسسور ونكواۋرۋدى ەمدەۋدىڭ بىرەگەي ءادىسىنىڭ اۆتورى «وازيس نادەجدى» كلينيكاسىنىڭ پرەزيدەنتى، ونكولوگ كونترەراس فرانسيسكو ەكەندىگىن ايتادى.

«وتكەن جىلى جۇمىسقا كەلىپ- كەتۋ، قوعامدىق قىزمەتكە ارالاسۋ سىندى فيزيكالىق شارشاۋدان يممۋنيتەتىم ناشارلادى. اي بويى تاماعىم اۋىردى. اناليز ناتيجەسىندە بەلگىلى بولعانداي يممۋندىق جۇيەمنىڭ السىرەۋى شەگىنە جەتىپ، اعزامدا راك كلەتكالارى انىقتالدى» دەپ باستادى ول ءوز اڭگىمەسىن.

الايدا، ول ءوزىنىڭ قاتەرلى ىسىككە شالدىققانىن ەلەمەي، ۇنەمى سپورتپەن اينالىسىپ، سۋ شاڭعىسى سپورتى مەن پاراشيۋتپەن سەكىرۋ سىندى بەلسەندى قوزعالىستى ادەتكە اينالدىرادى.

«دياگنوزدى ەستىگەندە العاش ويىما كەلگەنى، قانشا جىلعى ءومىرىم قالدى ەكەن دەگەن سۇراق بولدى. دياگنوز انىقتالعاننان سوڭ ۇلىمىز ەكەۋمىز وڭتۇستىك كورەياعا بارىپ، ءداستۇرلى مەتوديكالىق ەم قابىلدادىق، الايدا، العاشقى حيميالىق تەراپيادان كەيىن- اق ەم قابىلداۋدان باس تارتتىم»، - دەيدى پروفەسسور.

نارىكبايەۆتىڭ ۇلكەن قىزى دا ونكواۋرۋدان ساۋىعۋ جولىن ىزدەنىپ ءجۇرىپ، دارىگەر كونترەراستىڭ كلينيكاسىنىڭ راكقا قارسى تەراپياسى جايلى ەستيدى.

«وسىلايشا، التەرناتيۆتى تەراپيانى تاڭداي وتىرىپ، دەرەۋ كلينيكاعا ۇشىپ باردىق. 30 - ناۋرىز كۇنى ول جاقتا 75 جاسقا تولعاندا وسى كۇنگە جەتەتىنىمە كۇمانىم باسىم بولاتىن. ال قازىر جۇمىس ىستەپ قانا قويماي، سپورتپەن دە اينالىسۋدى توقتاتقان جوقپىن. اتالعان تەراپيانىڭ ەمى يممۋندىق جۇيەنى كوتەرۋگە جانە قالىپتى دەڭگەيدە ۇستاپ تۇرۋعا كومەكتەسەدى»، - دەدى «قاز گ ز ۋ» باسشىسى.

الەمدە راكپەن كۇرەستە حيميوتەراپيا، راديوتەراپيا جانە حيرۋرگيالىق تاسىلدەرى قولدانىلىپ كەلەدى. اتالعان بالامالى تەراپيا رەسمي تۇردە مەملەكەتتىك دەڭگەيدە قابىلدانعان جوق.

قاتەرلى ىسىكتەن قۇلان-تازا ايىققان پروفەسسور ماقسۇت نارىكبايەۆتىڭ سوزىنشە، بۇل مەتوديكادا باسىمدىلىق ارنايى ديەتاعا بەرىلەدى.

ناۋقاستىڭ تاماعىنىڭ 70-80 پايىزى جەمىس- جيدەك پەن كوكونىس بولادى. سونداي-اق ەمدەلۋشىنىڭ كەم دەگەندە 2-3 ساعات تازا اۋادا سەرۋەندەۋى مىندەتتەلگەن. بالامالى تەراپيا ءداستۇرلى راكپەن كۇرەسۋدەن بولەكتەنبەيدى، كەرىسىنشە بارلىق تاسىلدەردىڭ ناتيجەلى ىسكە اسۋىنا سەپتەسەتىندىگىن ايتادى.

ەلىمىزدە جىل سايىن 17 مىڭ قازاقستاندىق قاتەرلى ىسىك اۋرۋىنان كوز جۇمادى. «وازيس نادەجدى» كلينيكاسىنىڭ پەرزيدەنتى، ونكولوگ كونتەراس فرانسيسكو كلينيكا قۇرىلعان 1963 -جىلدان بەرى 100 مىڭداعان ناۋقاستىڭ ءومىرىن ساقتاپ قالعان. ونىڭ ونكولوگيا اۋرۋلارىن ەمدەۋدىڭ بىرەگەي ادىستەرى تۋرالى ەڭبەگىن قازاقستاندىقتار ءۇشىن ماقسۇت نارىكبايەۆ «كاك پوبەديت راك» كىتابىن ورىسشاعا ءتارجىمالاپ، قازاقستاندىقتارعا ۇسىنىپ وتىر.

سونىمەن بىرگە، پروفەسسور «ءۇمىت ساۋلەسى» قايىرىمدىلىق قورىن قۇرۋ يدەياسىن ۇسىندى. «قور قازاقستانداعى ونكولوگيا ماسەلەسىن شەشۋگە ءوز ۇلەسىن قوسادى» دەيدى پروفەسسور.

Baq.kz