گولوۆكيننىڭ قارسىلاسى مونرونىڭ باپكەرى ەسىرتكىمەن ۇستالدى

استانا. قازاقپارات - ا ق ش- تىڭ ەسىرتكىگە قارسى كۇرەس باسقارماسىنىڭ قىزمەتكەرلەرى فلوريدا شتاتىندا 28 جاستاعى كاسىپقوي بوكسشى ۆيللي مونرونىڭ (19-1, 6 ك و) باپكەرى توني مورگاندى زاڭسىز ەسىرتكى ساتقانى ءۇشىن قاماۋعا الىندى، دەپ حابارلايدى Bnews.kz.

توني مورگان جاسىرىن تۇردە پوليتسەيلەرگە 6400 دوللارعا 28 گرام مەتامفيتامين ساتقان. ا ق ش- تا ەسىرتكى ساتقاندار ۇزاق مەرزىمگە قاماۋعا الىنادى.

ەندى مورگان ءوز شاكىرتىنە 16 -مامىردا گولوۆكينگە قارسى وتكىزەتىن جەكپە-جەكتە كومەك بەرۋى ەكىتالاي. ءتىپتى، مونرونىڭ الداعى كەزدەسۋگە دايىندىعى دا شاتقاياقتاپ قالاتىن ءتۇرى بار.

ەستەرىڭىزگە سالامىز، وتانداسىمىز گەننادي گولوۆكين (32-0, 29 ك و) مەن امەريكالىق بوكسشى ۆيللي مونرونىڭ (19-1, 6 ك و) شارشى الاڭداعى كەزدەسۋى 16 - مامىرعا جوسپارلانعان. تەك باپكەردىڭ بۇل ءىسى قوس بوكسشىنىڭ جەكپە- جەگىنە زيانىن تيگىزبەسىن دەپ تىلەيىك.