الداعى سەنبىدە «قازاقستاندا» جاڭا وتباسىلىق شوۋ باستالماق - فوتو
جاڭا ينتەللەكتۋالدى باعدارلامانىڭ باسقا زياتكەرلىك سايىستاردان باستى ايىرماشىلىعى - ونىڭ وتباسى ماسەلەسىنە ارنالعاندىعىندا.
شوۋدىڭ قاتىسۋشىلارى تەك ءبىلىمدى عانا ەمەس، سونىمەن قاتار، كوڭىلدى، تاپقىر، تاتۋ دا تالانتتى جاندار ەكەنىن دالەلدەپ بەرۋى ءتيىس. كورەرمەندەر سۇيىكتى كوماندالارىنىڭ ءبىر اينالىمنان ەكىنشى اينالىمعا سۇرىنبەي وتۋىنە تىلەكتەس بولىپ، ولاردىڭ جانكۇيەرىنە اينالادى.
ينتەللەكتۋالدى شوۋ 5 تۋردان تۇرادى. ويىندا كاپيتانداردان باسقا جانۇيا وتاعاسى - «وت باسى» سايلانادى. تۋر كەزەڭدەرى بارىسىندا كوماندالار مەن وت باسىلارعا ۇپاي جيناۋ ءۇشىن جالپى دۇنيەتانىم، قازاقستان تاريحى، سالت- داستۇرلەر مەن مادەنيەتكە بايلانىستى سۇراقتار قويىلادى. سونىمەن قاتار، ولارعا كورەرمەندەردەن بەينەسۇراقتار دا ۇسىنىلادى.
سوڭعى تۋر، ەڭ شەشۋشى - كاپيتاندار «شايقاسى». بۇل كەزەڭدە ارتتا قالىپ قويعان كوماندا ءوزىنىڭ تاپقىرلىعى مەن زەرەكتىگى ارقاسىندا ۇپاي سانىن تەڭەستىرىپ، ءتىپتى العا دا وزىپ كەتۋگە مۇمكىندىك الادى.
