قازاقستاندىق اسكەري قىزمەتشىلەر يوردانيادا وتەتىن حالىقارالىق سايىستارعا قاتىسادى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى. «Warrior-2015» ارنايى ماسقاتتاعى توپتاردىڭ 7- حالىقارالىق سايىسى ءساۋىردىڭ 19-23- ارالىعىندا امماندا كورول II ابدۋللانىڭ ارنايى وپەراتسيالار وقۋ-جاتتىعۋ ورتالىعىندا وتەدى.
قورعانىس مينيسترلىگى مەن وزگە دە كۇشتىك قۇرىلىمداردى قۇرايتىن قازاقستاندىق كوماندالاردان باسقا سايىسقا 20 ەلدەن تاعى 42 كوماندا قاتىسادى. فاۆوريتتەر اراسىندا ا ق ش، رەسەي، يوردانيا، كانادا كوماندالارىن جانە قىتاي حالىق رەسپۋبليكاسىنىڭ چەمپيوندارىن اتاپ وتۋگە بولادى.
سايىس بارىسىندا ارنايى بولىمشەلەردىڭ جاۋىنگەرلەرى اتىستا، شىدامدىلىقتا، كوماندادا جۇمىس ىستەۋدە، شابۋىلداۋ داعدىسىندا، تاۋلى دايىندىقتا جانە ت. ب. جارىستا مىقتىلاردى ايقىندايتىن بولادى. قازاقستاندىق كوماندالار وسىنداي سايىستارعا ەكىنشى مارتە قاتىسىپ وتىرعاندىعىن اتاپ وتكەن ءجون.
اتالعان جارىستا قازاقستاندىق اسكەريلەر جەتەكشى ورىنداردىڭ ءبىرىن يەلەندى. جىل سايىنعى «Warrior» سايىستارى 2009-جىلدان باستاپ II ابدۋللا ارنايى وپەراتسيالار وقۋ-جاتتىعۋ ورتالىعىنىڭ جاڭعىرتىلعان پوليگونىندا يوردانيا قارۋلى كۇشتەرىنىڭ باستاماسى بويىنشا وتكىزىلەدى.
