08:19, 09 - ءساۋىر 2015 | GMT +5
الماتى وبلىسىندا پوليتسيا قىزمەتكەرى باتىپ بارا جاتقان بالانى قۇتقارىپ قالدى - فوتو
تالدىقورعان. قازاقپارات - الماتى وبلىسى ءى ءى د ارنايىلاندىرىلعان قاۋىپسىزدىك قىزمەتى باسقارماسىنىڭ قىزمەتكەرى، ستارشينا سانات بايسۇلتانوۆ تەكەلى قالاسىندا شاجا وزەنىنە باتىپ بارا جاتقان بالانى قۇتقارىپ قالدى.
تەكەلى اۋداندىق ءى ءى ب باسشىسى اسقار ءشايحيننىڭ ايتۋىنشا، پوليتسەي بالانى كورگەندە ەش ويلانباستان، ۇستىندەگى قالىڭ كيىمدەرىن شەشە سالىپ، مۇزداي سۋعا سەكىرگەن.
«بالا تۇنشىعىپ، ءبىراز سۋ جۇتىپ قويعان، سۋ سۋىق بولعاندىقتان ءۇسىپ قالعانداي كورىندى»، - دەيدى قۇتقارۋشىنىڭ ءوزى سانات بايسۇلتانوۆ.
جاعاعا الىپ شىققان سوڭ پوليتسەي بالاعا وكپەسىنە اۋا جىبەرىپ، ەسىن جىيعىزادى. جەدەل جاردەم شاقىرتىپ، دارىگەرلەر الىپ كەتەدى.
امان قالعان 6 جاستاعى دارىن قوجاحمەت قازىرگى ۋاقىتتا جان ساقتاۋ بولىمىنەن جالپى پالاتاعا اۋىستىرىلدى. قاتتى شوشىنىپ قالعان. بالانىڭ اكە- شەشەسى پوليتسيا قىزمەتكەرىنە زور العىستارىن ايتتى.
