مەملەكەتتىك ەمتيحانعا ساناۋلى ايلار عانا قالدى

استانا. قازاقپارات - مەكتەپ تۇلەكتەرى مارە سىزىعىنا جاقىنداپ كەلەدى - باستى ەمتيحانعا ساناۋلى ايلار عانا قالدى.

بيىلعى تەستىلەۋدىڭ نەگىزگى ەرەكشەلىكتەرى جايلى استانا قالاسىنىڭ ءبىلىم بەرۋ باسقارماسى جالپى ورتا ءبىلىم بەرۋ ءبولىمىنىڭ باسشىسى بوتاگوز ءجۇنىسوۆا ايتىپ بەردى، دەپ جازادى استانا قالاسى اكىمدىگىنىڭ باسپا ءسوز قىزمەتىنەن.

 ونىڭ ايتۋىنشا، ۇلتتىق ءبىرىڭعاي تەستىلەۋ 1-15 - ماۋسىم ارالىعىندا ل. ن. گۋميلەۆ اتىنداعى ەۋرازيا ۇلتتىق ۋنيۆەريستەتى، قاز گ ز ۋ جانە س. سەيفۋللين اتىنداعى ا ت ۋ بازاسىندا وتەدى.

جەرگىلىكتى اتقارۋشى ورگاندار مەن مينيسترلىك تەستىلەۋدىڭ ىڭعايلى ءارى ءساتتى ءوتۋى ءۇشىن ۇ ب ت بارلىق پۋنكتتەرىندە قاجەتتى جاعدايلار جاسايتىن بولادى.

2014/2015 وقۋ جىلىنداعى تۇلەكتەر بۇرىنعىداي ۇلتتىق ءبىرىڭعاي تەستىلەۋدەن وتەدى. سايكەسىنشە، قورىتىندى بالل تۇلەكتىڭ مەكتەپتە العان ءبىلىمىنىڭ قورىتىندى باعاسى بولىپ سانالادى، سونداي-اق، جوعارعى وقۋ ورىندارىنىڭ بىرىنە تۇسۋگە مۇمكىندىك بەرەدى.

ۇ ب ت قازاق جانە ورىس تىلدەرىندە بەس ءپان بويىنشا وتەدى: قازاق نەمەسە ورىس ءتىلى (وقىتۋ ءتىلى)، ماتەماتيكا، قازاقستان تاريحى، قازاق ءتىلى (ورىس ءتىلدى مەكتەپتەردە)، ورىس ءتىلى (قازاق تىلىندە ءبىلىم بەرەتىن مەكتەپتەردە)، تاڭداعان ماماندىعىنا قاراي تاڭدالعان ءپان.

تاڭداۋ ءپانىنىڭ جانە ماماندىقتار ءتىزىمى ق ر ءبىلىم جانە عىلىم مينيسترلىگىمەن بەكىتىلگەن. تۇلەكتەر ۇ ب ت- دا تاڭداعان پانىنە سايكەس كەلمەيتىن ماماندىقتى تاپسىرا المايدى. تەستىلەۋ بارىسىندا ءۇش جارىم استرونوميالىق ساعات - 210 مينۋت بەرىلەدى.

ءار ءپان بويىنشا 25 تەست تاپسىرماسىنا جاۋاپ بەرۋ كەرەك. مەكتەپ بىتىرۋشىلەر ۇ ب ت ورنىنا، ءداستۇرلى ەمتيحان تاپسىرۋعا قۇقىلى. ءبىراق، «التىن بەلگىنى» راستاۋ، قازاقستاننىڭ كەز-كەلگەن جوعارعى وقۋ ورنىنا اقىلى نەمەسە بيۋدجەتتىك نەگىزدە ءتۇسۋ، سونداي-اق، ەرەكشە ۇلگىدەگى اتتەستات الۋ ءۇشىن ۇ ب ت تاپسىرۋ مىندەتتى.

بيىل ەلوردا مەكتەپتەرىن 4440 وقۋشى بىتىرەدى. ولاردىڭ 186 سى «التىن بەلگىگە» ۇمىتكەر، 120 سى ەرەكشە ۇلگىدەگى اتتەستات الادى. استانا قالاسى ءبىلىم باسقارماسىنىڭ مالىمەتىنە سۇيەنسەك، بىلتىر 3252 تۇلەك ۇلتتىق ءبىرىڭعاي تەستىلەۋگە قاتىستى.