ءتورت ادامنىڭ ءومىرىن ساقتاپ قالعان سارباز ماراپاتتالدى
سارباز 22 - ناۋرىز كۇنى ورتكە ورانعان ءۇي ىشىنەن 4 ادامدى ءدىن امان الىپ شىعادى. تەرەزەنى سىندىرىپ كىرگەن ول اۋەلى ۇرەي-قورقىنىشتان بۇرىشقا تىعىلعان 10 جانە 15 جاستاعى ەكى قىز بالانى قۇتقارادى.
قويۋ ءتۇتىن جايلاعان ءۇيدىڭ تۇپكى بولمەسىنەن بەسىكتە جاتقان 2 ايلىق نارەستە مەن ەس-ءتۇسسىز جاتقان اناسىن سىرتقا شىعارادى. وسىلايشا، بۇتىندەي وتباسىنى ءتىلسىز جاۋدان قۇتقارعان جاۋىنگەر ءورت سوندىرۋشىلەر كەلگەنشە باسپانانى ساقتاپ قالۋ ءۇشىن دە جالىنمەن ارپالىسادى.
باتىلدىعىمەن قارۋلاستارىنا ۇلگى بولعان نۇرلان مومىنوۆتىڭ جەتتىگى باعالانىپ، وعان II دارەجەلى «ۇلتتىق ۇلان قىزمەتىنىڭ ۇزدىگى» توسبەلگىسى تابىس ەتىلدى. نۇرلان مومىنوۆ، ق ر ۇلتتىق ۇلانى 6636 اسكەري ءبولىمىنىڭ ساربازى:
- مەندە انا كىسىلەردى امان-ەسەن الىپ شىقسام دەگەن تەك قانا ءبىر وي بولدى. بولدى باسقا ەشتەڭە كەرەك ەمەس دەپ ءوزىم سانادىم. مەن قازىر ءالى دە ءوزىمدى ەرمىن، ابىرويلى ەكەنمىن دەپ ەسەپتەمەيمىن. ويتكەنى مەن ازاماتتىق بورىشىم دەپ ەسەپتەيمىن.
www.24.kz
