20:40, 08 - ءساۋىر 2015 | GMT +5
ا ق ش-تا ەرلى-زايىپتىلار الەۋمەتتىك جەلى ارقىلى اجىراسپاق
استانا. قازاقپارات - ەستىمەگەن ەلدە كوپ. نيۋ-يورك تۇرعىنى ەللانورا بايدۋ قاشىپ ۇستاتپاي قويعان كۇيەۋىمەن Facebook ارقىلى اجىراسۋعا رۇقسات بەرىلدى. مۇنداي شەشىمدى مانحەتتەن جوعارعى سوتىنىڭ سۋدياسى شىعارعان.
ول ۇشتى-كۇيلى جوعالىپ، ناقتى تۇرعىلىقتى مەكەنجايى بەلگىسىز بولىپ كەلگەن بۇرىنعى وتاعاسىنا نەكەنى بۇزۋ قۇجاتتارىن الەۋمەتتىك جەلىدەگى پاراقشاسىنا جىبەرۋدى زاڭدى دەپ تاپقان.
تاعى ءبىر قىزىعى، اتالعان جۇپ 2009 -جىلى ازاماتتىق نەكەگە تۇرعان، ءبىراق سودان بەرى بىردە-ءبىر رەت بىرگە تۇرماپتى. ولار ءبىراز ۋاقىت تەلەفون مەن Facebook ارقىلى تىلدەسىپ ءجۇرىپ، اقىرى جىگىت ءبىرجولا حابارسىز كەتكەن. ونى ىزدەپ تابۋعا ءتىپتى جەكەمەنشىك دەتەكتيۆ تە كومەكتەسە الماپتى.
www.24.kz
