استانانىڭ قاق ورتاسىندا اۆتوكولىك شالقاسىنان ءتۇسىپ قالدى - فوتو
جۇرگىزۋشى بەكجان مالىكوۆتىڭ ايتۋىنشا، ول قيىلىستا بۇرىلىپ جاتقان، ءبىراق ونىڭ الدىنان باسقا اۆتوكولىك شىعا كەلگەن. وسى ساتتە ول تەجەگىشتى باسادى، ال كولىك اۋدارىلىپ كەتەدى.
«ءبىرىنشى قاتارمەن كەلە جاتقانمىن، ءبىراق الدىمنان كولىك شىعا كەلدى. تايىپ بارا جاتقانىمدى سەزدىم، اۋدارىلىپ كەتتىم. مەن كولىكتىڭ ىشىندە ەسىمدى جيدىم. ادامدار كولىكتەن شىعۋعا كومەكتەستى»، - دەدى ول.
جول- كولىك وقيعاسىندا 3 اۆتوموبيل زارداپ شەكتى. Lexus اۋدارىلىپ بارىپ Shevrolet ماركالى اۆتوكولىككە قۇلادى. Shevrolet, Lexus اۆتوكولىكتەرىنىڭ جۇرگىزۋشىلەرى كولىكتىڭ سالتو جاساعانىن ايتتى.
«ءبىز باعدارشامنىڭ الدىندا كەپتەلىستە تۇردىق. جۇرگىزۋشى ۇلكەن جىلدامدىقپەن كەلە جاتىپ كەرى بۇرىلعىسى كەلگەن بولۋى كەرەك، ءبىراق تىزگىنگە يە بولا الماي قالدى. ءبىزدىڭ الدىمىزدا Hyundai Elantra تۇرعان، ول دا زارداپ شەكتى. بۇل ۋاقىتتا Lexus ءبىزدىڭ ۇستىمىزدەن سالتو جاسادى، اۋدارىلدى دا قۇلادى»، - دەپ حابارلادى Shevrolet اۆتوموبيلىنىڭ جۇرگىزۋشىسى التىنبەك جەكەبايەۆ.
«ءبىزدىڭ كولىك زارداپ شەكتى. ءبىز ءمورالدىق شىعىن ءوندىرىپ العىمىز كەلەدى. كولىك ءدال ءبىزدىڭ ۇستىمىزگە قۇلادى، سودان كەيىن قۇلادى. قۇدايىمىز بار ەكەن، ءتىرى قالدىق. كولىكتە ءۇش ادام وتىردىق»، - دەدى Shevrolet جۇرگىزۋشىسى.
