عالىمدار «دوشيراك» دايىن كەسپەسىنىڭ قۇرامىنان قاۋىپتى زاتتار تاپتى

استانا. قازاقپارات - امەريكلىق عالىمدار تەز دايىندالاتىن كەسپەلەردى زەرتتەۋ ناتيجەسىن ۇسىندى.

ناتيجە بۇل ءونىمدى ءسۇيىپ جەيتىندەردى قۋانتا قويماسى انىق.

بۇل تۋرالى Naked Science حابارلادى.  زەرتتەۋگە الىنعان رامەن كەسپەسىنىڭ قۇرامىنان دارىگەرلەر جەۋگە بولمايتىن بىرنەشە زاتتاردى انىقتادى.

بىرىنشىدەن، كەسپە قۇرىلىمىن ساقتاۋ ءۇشىن تەمەكى ءوندىرىسى مەن انتيفريز ونەركاسىبىندە پايدالانىلاتىن پروپيلەنگليكولدى، ەكىنشىدەن، كەسپە دامدەۋىشى رەتىندە انتيوكسيدانت ترەت- بۋتيلگيدروحينوندى قولدانعان.

ولار پارفيۋرمەريادا سالاسىندا بوياۋلار مەن سمولدار شىعارۋ كەزىندە قولدانىلادى.

سونىمەن قاتار، كەسپەنىڭ قورابىندا اعزاعا قاۋىپتى اروماتتاندىرعىش مونوسادۋم گلۋمات (اق كريستاللدار تۇرىندەگى كۇشەيتكىش) ناتري مەن ا بيسفەنولى بار.

ايتا كەتەيىك، 2014 -جىلى عالىمدار تەز دايىندالاتىن كەسپەنى جۇيەلى تۇردە تۇتىنۋ كارديومەتابوليزم مەن ينسۋلتكە اكەلۋى مۇمكىن ەكەنىن ايتقان بولاتىن. ال ءبىر جىل بۇرىن عالامتوردا رامەن كەسپەسىن ەكى ساعات سايىن ىشەتىن ادامنىڭ اسقازانى تۇسىرىلگەن ۆيدەو تاراعان ەدى.

«شىنىمدى ايتسام، بۇل ءونىمدى ءجيى پايدالانۋ ازقازان مەن جۇرەك اۋرۋلارىنا اكەلمەي قويمايدى»، - دەدى دارىگەر دجەرەم فاين Yahoo Health باسىلىمىنا بەرگەن سۇحباتىندا.