ەسكەرتكىشتى قورلاپ سۋرەتكە تۇسكەنى ءۇشىن اقتوبەلىك جىگىتتىڭ ۇستىنەن شاعىم ءتۇستى
وقىرمان ەسكەرتكىشى 2006 -جىلى تىلشىلەردىڭ ەڭبەگىن باعالاۋ ماقساتىندا گازەت رەداكسياسىنا قاراما-قارسى ورىننان اشىلعان ەكەن.
ەسكەرتكىشتەگى ادام ءمۇسىنىنىڭ قولىندا كىتاپ بار. بۇزاقى سول كىتاپقا وتىرىپ سۋرەتكە تۇسكەن.
ەسكەرتكىشتى قورلاعان سۋرەتتى دينارا الەۋمەتتىك جەلىلەردىڭ بىرىنەن كورىپ قالادى. «بۇل مەنىڭ نارازىلىعىمدى تۋدىردى. ول ەسكەرتكىشكە ءمىنىپ قانا قويماي، سۋرەتكە تۇسكەن. مەنىڭ بىلۋىمشە، بۇل ارەكەت زاڭعا قايشى. بۇگىن وسىلاي ەسكەرتكىشتىڭ ۇستىنە شىعىپ السا، ەرتەڭ ەسكەرتكىشكە نە ىستەيتىنىن ەشكىم بىلمەيدى. كەلەسىدە ماڭگىلىك الاۋدى بۇلدىرەدى، باتىرلاردىڭ ەسكەرتكىشتەرىنە دە مىنەدى. مەن سۋرەتتەگى جىگىتتىڭ ىسىنە شارا قولدانىلۋىن سۇراپ «ەلەكتروندىق ۇكىمەت» پورتالى ارقىلى ارىز بەردىم»، - دەدى ول.
«وعان وسى جاساعان ارەكەتى ءۇشىن ايىپپۇل سالۋ كەرەك نەمەسە قوعامدىق جۇمىستارعا تارتىلسىن. بۇل وعان ساباق بولادى»، - دەدى ارىزدانۋشى.
ەسكە سالايىق، وسىعان دەيىن اقتاۋدا ۆاندالدار ەسكەرتكىشكە فاشيستىك تاڭبا سالىپ كەتكەنىن حابارلانعان بولاتىن. ايتا كەتەيىك، ق ر قىلمىستىق كودەكسىنە سايكەس، ۆانداليزم ءۇشىن 100-500 ايلىق ەسەپتىك كورسەتكىش كولەمىندە ايىپپۇل تولەۋ، 120-180 ساعاتقا دەيىنگى قوعامدىق جۇمىستار نەمەسە 1 جىلعا دەيىن باس بوستاندىعىنان ايىرۋ سياقتى جازا قولدانىلادى.
