ناۋرىز ايىندا تۇرعىن ءۇي نارىعىندا باعالار ءبىرشاما وزگەردى
بۇل تۋرالى ۇلتتىق ەكونوميكا مينيسترلىگى ستاتيستيكا كوميتەتىنىڭ باسپا ءسوز قىزمەتىنەن حابارلاندى.
ەسەپتى كەزەڭدە اباتتاندىرىلماعان تۇرعىن ۇيلەردى الىپ ساتۋ باعالارى - 0,7 پايىزعا، اباتتاندىرىلعان تۇرعىن ۇيلەردى ساتۋ باعاسى 0,5 پايىزعا تومەندەگەن.
اتاپ ايتقاندا، ناۋرىز ايىندا جاڭا تۇرعىن ۇيلەردى ساتۋدىڭ ورتاشا باعاسى شارشى مەترىنە 225 مىڭ 441 تەڭگەنى قۇرادى. ال اباتتاندىرىلعان تۇرعىن ۇيلەردى ساتۋ 174184 تەڭگە، ودان تومەنگى ساناتتاعى ۇيلەر باعاسى 101086 تەڭگەنى قۇراعان.
«بۇدان بولەك، ستاتيستيكا كوميتەتىنىڭ مالىمەتتەرىنە قاراعاندا، 2015 -جىلعى ءبىرىنشى توقساندا وندىرىستىك جايلاردى جالعا بەرۋ باعاسى 1,2 پايىزعا، اكىمشىلىك كەڭسەگە ارنالعان نىسانداردى جالعا بەرۋ باعاسى % 1,1 عا وسكەن. بانك فيليالدارىنا ارنالعان ورىن- جايلاردى جالعا بەرۋ باعاسى %3,1، فيتنەس كلۋبتار مەن جاتتىعۋ زالدارىن - %2,5، ونەركاسىپتىك بازالاردى - %1,7، پاركينگتەردى - %1,3 كوتەرىلدى. ال كولىك جۋۋ جايلارىن جالعا بەرۋ %0,6، دۇڭگىرشەكتەردى - %0,1- عا ارزاندادى»، - دەلىنگەن باسپا ءسوز بايانىندا.
اۆتور: قانات مامەتقازى ۇلى
