11:56, 08 - ءساۋىر 2015 | GMT +5
قىرعىزستان پرەزيدەنتى ا. اتامبايەۆ مەشىت سالۋعا بىشكەكتەگى ءوزىنىڭ جەر ۋچاسكەسىن بەردى
بىشكەك. قازاقپارات - بىشكەك قالاسىندا قىرعىزستان پرەزيدەنتى المازبەك اتامبايەۆتىڭ باستاماسىمەن «7 - ءساۋىر شەيىتتەرى» مەشىتىنىڭ قۇرىلىسى باستالدى.
بۇل تۋرالى قىرعىز رەسپۋبليكاسى پرەزيدەنتى اكىمشىلىگىنىڭ باسپا ءسوز قىزمەتىنەن حابارلادى.
اتالعان مەشىت قىرعىزستان رەسپۋبليكاسىندا 2010 - جىلدىڭ ءساۋىر ايىندا بولعان وقيعالار كەزىندە قازا تاپقان ازاماتتاردىڭ قۇرمەتىنە سالىنباق. ەل پرەزيدەنتى ا. اتامبايەۆ ول ءۇشىن 90- جىلدارى جەكە مەنشىگىنە بەرىلگەن استانانىڭ 7- شاعىن اۋدانىندا ورنالاسقان جەر ۋچاسكەسىن بەردى.
قىرعىزستان پرەزيدەنتىنىڭ قاتىسۋىمەن وتكەن مەشىت قۇرىلىسىن باستاۋ راسىمىنەن كەيىن 2010 - جىلعى ءساۋىر حالىق توڭكەرىسىندە قازا تاپقاندار مەن ونىڭ قاتىسۋشىلارىن بىرىكتىرەتىن قوعامدىق ۇيىمداردىڭ وكىلدەرىمەن كەزدەسۋ ءوتتى.
