ا ق ش پرەزيدەنتىنىڭ رەزيدەنتسياسى اياق استىنان جارىقسىز قالدى

استانا. قازاقپارات - ۆاشينگتوندا ءبىرقاتار مەملەكەتتىك عيمارات كەنەتتەن جارىقسىز قالدى. رەيتەر اگەنتتىگىنىڭ حابارلاۋىنشا، مۇندا اق ءۇي، كاپيتولي، ادىلەت مينيسترلىگى مەن مەملەكەتتىك دەپارتامەنت عيماراتتارى اپاتتىڭ سالدارىنان تاس تۇنەككە ورانعان.

بىرنەشە مينۋتقا سوزىلعان قاراڭعىلىققا وسى عيماراتتاردى جارىقپەن قامتيتىن مەريلەند شتاتىنىڭ ەلەكتر ستانتسياسىنداعى جارىلىس سەبەپ بولدى.

سوڭعى اقپاراتقا سايكەس، بيلىك وكىلدەرى ازىرگە مۇنى لاڭكەستىك ارەكەت رەتىندە قاراستىرىپ وتىرعان جوق. جارىق تاراتۋشى Pepco كومپانياسى اپاتقا نە سەبەپ بولعانىن انىقتاۋ ءۇشىن تەرگەۋ جۇرگىزۋدە.

دايىنداعان: گ. ابيلوۆا

www.24.kz