09:31, 08 - ءساۋىر 2015 | GMT +5
باراك وباما يرانمەن يادرولىق كەلىسىم بويىنشا يزرايلدىڭ ۇسىنىسىنان باس تارتتى
استانا. قازاقپارات - باراك وباما يزرايلدىڭ يرانمەن يادرولىق كەلىسىم بويىنشا ۇسىنىسىنان باس تارتتى.
«يزرايل بيلىگى يراننىڭ ءوزىن مەملەكەت رەتىندە مويىنداۋىن تالاپ ەتكەنى بەلگىلى. تەك تەگەرانمەن اراداعى يادرولىق باعدارلاماعا قاتىستى كەلىسىمدى، مۇنىمەن بايلانىستىرۋعا بولمايدى» - دەدى ا ق ش پرەزيدەنتى.
«يرانمەن كەلىسىم تەك ولار يزرايلدى مەملەكەت رەتىندە مويىنداسا عانا قابىلدانادى دەۋ، بۇل قيسىنسىز اڭگىمە» - دەدى باراك وباما. ايتا كەتەيىك، وتكەن جۇمادا يزرايل پرەمەرى نەتانياحۋ «يراننىڭ يادرولىق باعدارلاماسىنا قاتىستى ازىرلەنىپ جاتقان كەلىسىمدە، يسلام رەسپۋبليكاسىنىڭ ەۆرەي مەملەكەتىن مويىنداۋى كەرەكتىگى ەسكەرىلۋى ءتيىس» دەگەن بولاتىن.
ەسكە سالساق، 2 - ساۋىردە لوزاننادا «التىلىق» پەن يران يادرولىق باعدارلاماعا بايلانىستى ورتاق شەشىمگە كەلگەن.
