باراك وباما ارالاردىڭ كەسىرىنەن ەرتەگىسىن ءتامامداي المادى - كەسكىن

استانا. قازاقپارات - ا ق ش پرەزيدەنتى باراك وباما پاسحا مەرەكەسىنىڭ قۇرمەتىنە اق ءۇيدىڭ جانىندا بالالاردى جيناپ ەرتەگى وقىپ بەردى. الايدا، پرەزيدەنتتىڭ قايىرىمدى ءىسىن اياقتاۋىنا ارالار كەدەرگى كەلتىردى، دەپ حابارلايدى Bnews.kz.

موريس سەنداكتىڭ «قۇبىجىقتار الەمى» ەرتەگىسىن تاڭداپ العان وباما ىنتى-شىنتىسىمەن بالالارعا ونى وقىپ بەرۋگە كىرىسكەنى سول ەكەن، بۇلدىرشىندەردى اينالا ۇشقان ارالار بالالاردىڭ ءزار-قۇتىن الدى.

پرەزيدەنت اسپاي-ساسپاي، «سابىر، سابىر ەتىڭدەر! قۇبىجىقتار قايداعى ءبىر ارادان قورقۋشى ما ەدى؟!» - دەپ بالالاردى ىرقىنا كوندىرۋگە تىرىسقان. ونى تىڭدايتىن بالا قايدا؟

ايتا كەتۋ كەرەك، وباما بالالارمەن جىل سايىن ءداستۇرلى تۇردە وتكىزىلىپ تۇراتىن پاسحا مەرەكەسىنە وراي باس قوستى. بيىلعى جىلى شارا 6- ساۋىردە 137- رەت ءوتىپ، 35 مىڭ ادام جينالدى. جيىن بارىسىندا سپورتتىق جارىستار وتكىزىلدى، اسپازدار شەبەرلىك-كلاستار كورسەتتى، انشىلەر ولەڭ ايتىپ جينالعاندارعا كوتەرىڭكى كوڭىل-كۇي سىيلادى.