08:45, 08 - ءساۋىر 2015 | GMT +5
ءجۇز جاستاعى قاريا ايەلىن بالتامەن شاۋىپ ءولتىرىپ، ارتىنان ءوز- وزىنە قول جۇمسادى
استانا. قازاقپارات - ا ق ش- تاعى نيۋ- دجەرسي شتاتىنىڭ 100 جاستاعى تۇرعىنى ءوزىنىڭ 88 جاستاعى ايەلىن بالتامەن شاۋىپ ءولتىرىپ، ارتىنان ءوز- وزىنە قول جۇمسادى.
وقيعا ەلمۆۋد قالاسىنداعى تۇرعىن ۇيلەرىنىڭ بىرىندە بولعان. بۇل تۋرالى Lenta.ru حابارلايدى.
وقيعا ورنىنا جەتكەن قۇقىق قورعاۋ ورگاندارىنىڭ ماماندارى ەكى ءمايىتتى انىقتادى. قارت ايەلدىڭ دەنەسى جاتىن بولمەدە، ال قاريانىڭ دەنەسى جۋىناتىن بولمەدە بولعان. ءتارتىپ ساقشىلارى مايكل دجاسكين ءوزىنىڭ جۇبايى روزاليۋ دجاسكيندى ۇيىقتاپ جاتقان جەرىندە ءولتىرىپ، ودان كەيىن وزىنە بىرنەشە جەردەن پىشاق قاداعان دەپ بولجامداپ وتىر.
ءتارتىپ ساقشىلارىن ولاردىڭ تۋىسى شاقىرعانى انىقتالدى. الايدا ونىڭ ەسىمى اتالمايدى. ولاردىڭ ايتۋىنشا، قىلمىس كەزىندە ۇيدە دجاسكيندەردەن باسقا ەشكىم بولماعان. قىلمىستىڭ سەبەپتەرى انىقتالۋدا.
كورشىلەر ەرلى- زايىپتىلاردىڭ سىرتتا كوپ جۇرەتىنىن ايتادى. ولاردىڭ ايتۋىنشا، مايكل ءيتتى قىدىرتسا، روزاليا باۋ- باقشامەن اينالىسقان.
