سەمەيدە «قازاق قولونەرىنىڭ مەرەكەسى» ءوتتى
قازاق حاندىعىنىڭ 550 جىلدىعىنا ورايلاستىرىلعان شارادا وبلىستىڭ تانىمال شەبەرلەرى مەن قولونەرشىلەرىن، سونداي-اق قولونەردىڭ ءارقيلى تۇرلەرىمەن اينالىساتىن اۋەسقويلار باس قوستى.
مەرەكەنىڭ باستى وقيعاسىنا نيەۆزوروۆتار اتىنداعى مۇراجايدىڭ ەكسپوزيتسيالىق زالدارىندا ورىن العان شەبەرلەر مەن اۋەسقويلار ونىمدەرىنىڭ كورمەسى اينالدى. ودان باسقا، بيىلعى شارانىڭ باعدارلاماسىنا سايكەس قازاقستانعا عانا ەمەس، شەتەلگە دە تانىمال قولونەر شەبەرى، زەرگەر، قازاقتىڭ قولدانبالى ونەر تۋىندىلارىنىڭ توپتاماسىن جيناقتاۋشى سەرجان باشيروۆ كەلدى.
كورمە سەرالى مۇحامەتسادىقوۆتىڭ شاڭقوبىزدا ونەر كورسەتۋىمەن سۇيەمەلدەنگەن اۆتورلىق اشەكەيلەر كورسەتىلىمىنەن باستالدى. سونىمەن قاتار س. باشيروۆ جوعارى وقۋ ورىنداردىڭ، كوللەدجدەردىڭ شىعارماشىلىق ماماندىقتارىنىڭ ستۋدەنتتەرىمەن جانە قولونەر شەبەرلەرىمەن كەزدەستى.
شارا قوناقتارى م. تولەبايەۆ اتىنداعى كوللەدج ستۋدەنتتەرىنىڭ كونسەرتىن تاماشالاپ، «توعىزقۇمالاق» جانە باسقا دا ۇلتتىق ويىندارىنا قاتىستى.
ەڭ ۇزدىك شەبەرلەر ش ق و ب ۇ ۇ دامۋ باعدارلاماسى اتىنان قۇرمەت گراموتالارىمەن جانە باعالى جۇلدەلەرمەن ماراپاتتالدى، دەپ حابارلايدى ق ر مادەنيەت جانە سپورت مينيسترلىگىنەن.
