قازاقستاننىڭ جاس ونەرپازدارى پاريجدەن جەڭىسپەن ورالدى
قازاقستان، رەسەي جانە وزبەكستاننىڭ كوپتەگەن قالالارىنان كەلگەن جاس دارىنداردىڭ باسىن قوسقان كولەمدى شارادا بەدەلدى ەۋروپالىق قازىلار القاسى وتانداستارىمىزدىڭ ونەرىن جوعارى باعالادى. «اسپاپتى ونەرناما» نوميناتسياسىندا ۇجىمدار اراسىنداعى ءبىرىنشى ورىنعا قازاقستاندىق «Magic flute»ءانسامبلى تابان تىرەدى.
ورتا جاس توبىندا ءبىرىنشى ورىندى ابدراحمانوۆا ءامينا، قۇماروۆا راحيليا، سارتمانوۆ ميراس يەلەندى.
كىشى توپتا كاليموۆا ءامينا جانە ليگاي داريا ءبىرىنشى دارەجەلى لاۋرەات اتاعىنا يە بولسا، سەرىك ساۋلەت، تۇسەنوۆا كاميللا، سارسەنبەكوۆا ءسابينا مەن كۋشناريەۆا داريا ەكىنشى ورىن ديپلومانتتارى اتاندى.
فەستيۆال قاتىسۋشىلارىنا ارناپ، لۋۆر، پومپيدۋ ورتالىعىنىڭ قازىرگى زامان ونەر مۋزەيى مەن ەيفەل مۇناراسىنا ساياحات ۇيىمداستىرىلدى. قاتىسۋشىلاردىڭ سوزىنە قاراعاندا، ايگىلى ديسنەيلەندكە ساپار ولاردىڭ جادىلارىنان كەتپەس ساياحاتقا اينالدى.
