الماتى وبلىسىندا كۇيەۋ جىگىت بولاشاق قالىڭدىعىن توناپ كەتتى

تالدىقورعان. قازاقپارات - الماتى وبلىسى جامبىل اۋدانىنىڭ ءتارتىپ ساقشىلارى بولاشاق «قالىڭدىعىنىڭ» 3700000 تەڭگەسىن ۇرلاپ كەتكەن الاياق كۇيەۋ جىگىتتى ۇستادى، دەپ حابارلادى اۋداندىق ءى ءى د باسپا ءسوز قىزمەتىنەن.

25 جاستاعى جىگىت 38 جاستاعى ايەلگە ۇيلەنەمىن دەپ ۋادە بەرىپ، توي قامىنا قاجەت دەگەن سىلتاۋمەن 3 ميلليوننان استام قارجىسىن الداپ العان.

ول سۇيىكتىسىنە اقشا ارى قاراي جاقسى وتباسى بولىپ كەتۋ ءۇشىن مال ساتىپ الۋ ءۇشىن قاجەت دەپ الداپ، سوسىن ءىز-ءتۇزسىز جوعالىپ كەتكەن.

جامبىل اۋداندىق ءى ءى ب تەرگەۋشىلەرى «كۇيەۋ جىگىتتى» ۇستاپ، ەشقايدا كەتپەۋ تۋرالى قولحات بەردى.