ءۇندىستان ازاماتى جىلانعا ۇيلەنبەك بولدى
27 جاستاعى سانديپ پاتەل ءوزى عاشىق بولعان جىلان بۇرىنعى ومىرىندە سۇلۋ قىز بولعان دەپ ويلايدى.
ونىڭ ايتۋىنشا، تۇندە ول تىلسىم كۇش ارقىلى جىلانعا اينالىپ، ءوزىنىڭ سۇيىكتىسىمەن تىلدەسەدى ەكەن. جەرگىلىكتى شىركەۋلەردىڭ بىرىندە وتكەن نەكەلەسۋ راسىمىنە 15 مىڭعا جۋىق ادام جينالىپتى. دەگەنمەن، ءۇندىستان پوليتسەيلەرى ءراسىمدى توقتاتىپ، ۇيلەنگەلى جاتقان جىگىت پەن ونىڭ اكەسىن قوعامدىق ءتارتىپتى بۇزعانى ءۇشىن ۇستاپ اكەتتى. قوناقتار پوليتسەي قىزمەتكەرلەرىنىڭ ىسىنە نارازىلىق بىلدىرگەن. سول سەبەپتى تۇرعىنداردى ارنايى جاساق شاقىرىپ، ۇيلەرىنە تاراتۋعا تۋرا كەلگەن.
ايتا كەتەيىك، بۇل ءۇندىستان تاريحىنداعى العاشقى «ەرەكشە» ۇيلەنۋ تويى ەمەس. وسىعان دەيىن دجاركحان تۇرعىنى مانگلي ماندا قارعىسقا ۇشىراعانى ءۇشىن كۇشىككە ۇيلەنبەك بولعانى حابارلانعان ەدى. بۇل شەشىمدى اۋىل اقساقالدارى قابىلداعان. اۋىل دانالارىنىڭ ايتۋىنشا، وسى نەكە عانا قىزدى قارعىستان قۇتقارادى. ولاردىڭ پايىمداۋىنشا، دۋا قىزدىڭ ءبىرىنشى وتباسىنا باقىتسىزدىق اكەلەدى. سوندىقتان، قىزدىڭ اكەسى كوشەدەن كۇشىك تاۋىپ اكەلىپ، قىزىن كۇشىككە كۇيەۋگە بەرمەك بولعان.
kaz.tengrinews.kz
