مىسىق مەترونىڭ قابىرعاسىندا بەس جىل بويى ءومىر ءسۇرىپ كەلگەن

استانا. قازاقپارات- بيسو ەسىمدى مىسىق كايردەگى مەترولاردىڭ ءبىرىنىڭ قابىرعاسىندا بەس جىل بويى ءومىر ءسۇرىپ كەلگەن،

- دەپ جازادى  Сairo Post باسىلىمى .

 بيسونىڭ كىشكەنتاي كەزىندە وعان ۇلكەن مىسىقتار شابۋىل جاسايدى. قاشىپ بارا جاتىپ ول قابىرعاداعى ءبىر تەسىككە بارىپ تىعىلادى. كەيىن ول جەردەن قايتا شىعا المايدى.

باسىلىمنىڭ مالىمەتىنشە، مىسىقتىڭ داۋىسىن كەتىپ بارا جاتقان ابدو ەسىمدى ەر كىسى ەستىگەن. سودان كەيىن ول مىسىقتى تەسىك ارقىلى كۇندە تاماقتاندىرىپ جۇرگەن. ابدو مەتروعا جاقىن جەردە كوزىلدىرىك ساتۋمەن اينالىسقان ەكەن. ول مىسىردا قيىن كۇندەر تۋىپ، دۇكەنىن جاۋىپ تاستاعان كەزدە دە مىسىقتى قاراۋسىز قالدىرماعان. وسىلاي بەس جىل ۋاقىت وتەدى.

ەگيپەت زاڭىنا ساي، مەترولاردىڭ قابىرعاسىن بۇزۋ  - «مەملەكەتتىڭ مەنشىگىنە قارسى ديۆەرسيا» بولىپ ەسەپتەلەدى. سوندىقتان مىسىقتى بوساتۋعا جانۋارلاردى قورعاۋ جونىندەگى ارنايى ورتالىقتارى دا قاتىسادى. وسىدان كەيىن عانا ونى قابىرعا اراسىنان شىعارۋعا رۇقسات ەتىلەدى.

ايتا كەتەيىك، قابىرعانى بۇزۋعا قۇتقارۋشىلار 5 ساعات جۇمساعان. ولاردى قابىرعا ارتىندا جانىپ تۇرعان ەكى جاسىل كوز قارسى الىپتى.

Tengrinews.kz