يران ايەلدەردىڭ سپورتتىق سايىستارعا كورەرمەن رەتىندە قاتىسۋىنا جول بەرەدى

استانا. قازاقپارات - ەل بيلىگى سپورتشى ەر ادامداردىڭ قاتىسۋىمەن وتەتىن سايىستاردى قىزىقتاۋعا نازىك جاندىلارعا رۇقسات بەرەتىن بولدى.

بۇل تۋرالى يران يسلام رەسپۋبليكاسى سپورت مينيسترلىگى حابارلادى.

اقپاراتقا سايكەس، ايەلدەر ماڭىزدى سپورت سايىستارىنا كورەرمەن رەتىندە قاتىسا الادى. ءبىراق ەرلەر اراسىنداعى ءجۇزۋ مەن كۇرەس سياقتى سپورت تۇرلەرىنەن وتەتىن جارىستاردى تاماشالاۋعا سالىنعان تىيىم سول كۇيى قالادى. سەبەبى بۇل كەزدە ەر اتلەتتەردىڭ دەنلەرى جالاڭاش نەمەسە جارتىلاي جالاڭاش بولادى.

مۇنىمەن قوسا، نازىك جاندى جانكۇيەرلەرگە ارناپ، سايىس وتەتىن جەرلەردە وتباسىلىق سەكتورلار بولىنەدى.

ەستەرىڭىزگە سالا كەتەيىك، 2014 - جىلى يرانعا قىدىرىپ كەلىپ، وسى ەل مەن يتاليانىڭ ەرلەر اراسىنداعى ۆولەيبول ماتچىن جانكۇيەر رەتىندە كورمەك بولعان ۇلتى يران گونچەح گاۆامي اتتى 25 جاستاعى ايەل بۇل قىلىعى ءۇشىن 1 جىلعا قامالدى.

www.24.kz