ساكەن سەيفۋليننىڭ بۇرىن ەش جەردە ايتىلماعان ءانى تابىلدى

استانا. قازاقپارات - ايگىلى اقىن، جازۋشى، مەملەكەت قايراتكەرى ساكەن سەيفۋليننىڭ بۇرىن- سوڭدى ەش جەردە ايتىلماعان ءانى تابىلدى.

ك ت ك تىلشىلەرىنە وسى ءاندى امانات ەتىپ الىپ قالعان ەلوردالىق قاريا شىرقاپ بەردى.

ساكەن سەيفۋليننىڭ وسى كەزگە دەيىن ايتىلماعان ءانىن ورىنداپ وتىرعان 85 جاستاعى ءماريام سالكەن قىزى. ءماريام اجەي بۇل ءاندى العاش رەت ساكەن سەيفۋليننىڭ دوسى ياعني اكەسىنەن ەستىپتى. تۋعان جەرى «سارىارقاعا» ارنالعان تۋىندىنى اقىن ايداۋدا جۇرگەندە جازعان ەكەن. «حالىق جاۋى» دەپ اتىلىپ كەتكەن قايراتكەردىڭ ءانىن ءماريام قاريا دا كوپ الدىندا شىرقاۋعا قورقىپ، تەك ۇيىندەگى توي- تومالاقتا ورىنداپ كەلگەن. ەندى بەيبىت زاماندا اقىننىڭ ەل ەستىمەگەن ءانىن اتادان بالاعا ميراس ەتۋدى مىندەت ساناپ وتىر. جاقىندا قۇپيا بوپ كەلگەن ءان بىرىنشىرەت ۇلكەن ساحنادا ورىندالۋى مۇمكىن.

ءماريام سالكەن قىزى: استانا قالاسىنىڭ تۇرعىنى:

- ەشكىم ايتپاعان سوڭ، ونى جارىققا شىعارۋ كەرەك. ول ولەڭ ءوزى قالاي شىققان ولەڭ؟ ول ولەڭ ءوزى ايداۋدا جۇرگەندە، تۇرمەدە وتىرعاندا جازعان ولەڭى. ونى جىلاپ وتىرىپ جازدى ما، ەلىن ساعىنعانىنان جازدى ما بىلمەيمىن ەندى.