11:56, 07 - ءساۋىر 2015 | GMT +5
باتىرحان شۇكەنوۆ اكتەرلىق تالانتىمەن قازىلار القاسىن تامساندىردى - كەسكىن
استانا. قازاقپارات - رەسەيدەگى «ودين ۆ ودين» مۋزىكالىق شوۋ باعدارلاماسىندا باتىرحان شۇكەنوۆ اكتەرلىق تالانتىمەن قازىلار القاسىن تاڭ قالدىردى.
ءارتىستىڭ «ۆەسنا نا زارەچنوي ۋليتسە» فيلمىنىڭ كەيىپكەرى ساشا ساۆچەنكونىڭ ءرولىن ويناۋى كەڭەس كينوسىن ەسكە سالدى.
لاريسا دولينا ايتقانداي، باتىرعا ءوزىنىڭ اسەم داۋىسىن جاسىرۋ قيىن. الايدا ول كەيىپكەردىڭ ءرولىن جاقسى ويناۋ ءۇشىن بارىن سالدى. ساحنادان شۇكەنوۆتى ەمەس، ونىڭ كەيىپكەرىن كورگەندەي بولدىق، - دەپ اتاپ ءوتتى ءانشى.
بايقاۋدىڭ بۇل كەزەڭىنىڭ قورىتىندىسى بويىنشا 307 ۇپاي جيعان باتىر 2-ورىنعا يە بولدى. ودان 338 ۇپايمەن رۋسلان الەحنو عانا اسىپ كەتتى.
وسىعان دەيىن باتىر مۇرات ناسىروۆ، سەزاريا ەۆورا سىندى تۇلعالاردى بەينەلەگەن بولاتىن.
